>>هذا المستخدم مضيع
بس بحاول ارد رد شامل للجميع من ناحية السب والشتم انا ما ابرر هالشي بس مو ملازم لها للامانه يعني في حالة الطلب الصريح او المحاوله
ومن ناحية انها تمس كرامتي او رجولتي او شي من ذا اكيد كل انسان عنده كرامه ما راح يسمح بهالشي وانا مو لين للدرجه اللي توقعها البعض بس اني ما احب اتعامل مع اللي قدامي بامر او بشي يحسسه بانتقاص لشخصيته كل شي احبه بتفاهم وهدوووووء
انا ما اعصم نفسي ولا اصور نفسي ملاك انا اعترف اوقات اشطح شطحات مالها داعي
واجيب العيد لكن ارجع بعدها اراجع اللي صار وللعلم انا من النوع اللي يحب يشاور مو لاني ما اعرف وش اسوي لكن تجنبا للخطاء وبعده الندم
مثل ما قلت اول انا ماشي مع كلام البليغ فيه تجاوب كبير بس فيه مع التجاوب صد
طلعنا اليوم العصر والله المشي منه فايده يالبليغ
سوالف طووول العصر بربرت عن حياتي لين قلت بس وبعدها قلت لها تحكي لي عن حياتها
تكلمت ولاول مره بالحياه واظن انها معجزه لانها كتوووومه درجه اولى مو كلامي بس حتى اقاربها
تكلمت عن طفولتها وان ابوها كان دايم يشجعها ويشجع رايها حتى لو كان غلط وانها كانت ابداع وهي صغيره ما خلت شي ما سوته تكلمت عن مواقف لها مع اختها وهم صغار تكلمت عن مرحلة المتوسط والثانوي وانها كانت احلى ايام بحياتها واجزمت انها ما راح تتكرر وبعدها عن فترة خطوبتها الاولى وليش طلبت الانفصال من الاول بسبب انه ما يقدرها وبينهم هوشات قد شعر الراس وانه هو اللي يبدا دايميحترم اخوانها وانه لما سب اخوها قفلت منه ومدري ايش وبعدها طلبت الطلاق وتقول انها بعد ما افتكت منه شالت فكرة الزواج من راسها للابد وطلعت ماخذه فكره عن الرجال بشعه مو بشعه الا شنيعه
بعدها معد كملت سكتت
قلت كملي قالت بس خلاص عرفت انها ما تبي تتكلم عن الموضوع ذا فاحترمت رغبتها بس سالتها قلت طيب وانا قالت اش فيك قلت وش رايك فيني ؟؟ قالت رجال والنعم فيك قلت بس قالت وطيب واخلاق بس فيك شي ما يعجبني قام قلبي يراقع قلت الله يا البلشه وشو قالت احسك شديد مرره على تالا في بالي اشوى قلت انتي راخيه معها مره فلاززم يكون فيه احد تخاف منه وتكلمنا بخصوص نومها لوحدها وهالكلام قالت انها لسا صغيره فهمتها وقلت لها اني بطلع من الغرفه وتنام هي فيها وانا بروح المجلس والبنت تتعود تنام لحالها ومنا ومنا ورفضت وبقوه وطولنا بالنقاش اخر شي قالت طيب بس بشرط قلنا اشرطي قالت انها هي اللي بتنام في المجلس قلت تبين الصدق قالت وشو قلت اخاف انام الوحدي طالعت فيه وضحكت حسيتها تخيلت شكلي طول بعرض وخايف ما ادري و المقصد بس ان فيه تحسن
بخصوص اني ما كنت اطلعها الا بعد طرحي للموضوع الا اكيد ما في احد ما يطلع زوجته يمشيها لكن طلع بارده مالها داعي وانا من النوع اللي ما يحاول كثير وذا عيب فيني يعني اتكلم اذا ما حصلت تفاعل اسكت وعلى هالحال اذا ما تفاعلت سكت بس لما طرحت المشكله صرت احاول اعدل بهالصفه والحمد الله تغيرت كثير كلام الاعضاء كان مشجع بس امس كان استثناااااائي في التحطيم وسبحان الله اليوم عكس مع انها رفضت تطلع اليوم بس ما تركتها قلت لها اني بصلي وبرجع والقاها جاهزه ومشت اليوم كان حلو>> بمشي يوميا
التعديل الأخير تم بواسطة ذكريات لاتغيب ; 06-10-2011 الساعة 10:14 AM