منتدى عالم الأسرة والمجتمع - عرض مشاركة واحدة - كيف أتصرف في الشوفة الشرعية ووش أقول؟

05-10-2011, 10:22 AM

أديب الشرق

عضو دائم

تاريخ التسجيل: Jan 2007

المشاركات: 79

كيف أتصرف في الشوفة الشرعية ووش أقول؟

السلام عليكم

صباح الورد .. للأعضاء جميعاً

أقدمت على خطبة فتاة من عائلة غير عائلتنا .. في وسط بيئة لا تعرف إلا زواج الأقارب

والفتاة جميلة كما وصفتها لي الوالدة وعماتي .. ومتعلّمة .. حاصلة على شهادة الماجستير ( ما شاء الله لا قوة إلا بالله )

وكأن فيه موافقة مبدئية من أهلها .. وأقدمنا على إجراء فحوصات الزواج

وبإذن الله إذا طلعت الفحوصات سليمة .. والطرفين متوافقين

راح ندخل مرحلة " الشوفة الشرعية " .. واحتمال كبير تكون الأسبوع الجاي إن شاء الله

بصراحة أنا محتار بهالشوفة .. كيف أقابل البنت؟

أخاف تدخل علي بالمجلس وتطلع .. وأنا ما شفتها زين

وما فيه أمل بعدين .. أشوفها مرة ثانية .. أصلاً ما لي وجه أطلب هالشي

أحس لحظتها بأكون مرتبك .. وخجول .. رغم إني إنسان اجتماعي .. وجريء إلى حد ٍ ما

لكن ما تعودت على مقابلة الجنس الناعم .. والتحدث معه مباشرة

والشي الأهم .. البنت إذا قعدت معي كيف أبدأ بالحكي معها؟ ووش أقول لها؟

وش المواضيع المناسبة اللي ممكن أحكي فيها؟

خصوصاً مثل ما أنتم عارفين .. الشوفة الشرعية يمكن ما تستمر حتى 5 دقايق!

أسعفووني .. يا أهل التجارب والخبرة

شكلي بأجيب العيد .. قبل يومه