لا حول ولا قوة إلا بالله ...
الله يعينك جد مصيبة ... سبق ومريت بنفس حالتك بالتمام ... طبعا أبقول لك ليش أنا بالأساس ما تقبلته وعلى فكرة تفكيري مثل تفكيرك .... بعمر ما أقدر أرفض لأنه يعتبر لقطة بس لأنه لم يسبق له الزواج وكان أكبر مني بسنتين ولا يدخن .. فقط
من المكالمة وأنا رافضه ومع ذلك من باب ان جاءكم من ترضون دينه وافقت أطلع وللأسف زاد نفوري ...
أولا مستواه التعليمي وبالتالي الوظيفي غير مناسب لي ..
ثانيا الشكل ... لاتقولون الرجال مايعيبه شي .. لا ماتقبلته أبدا
ومع ذلك لاحظي .... كنت أبكي بكاء شديد وبين نارين .. نار اني أجبر نفسي عليه ونار احتمالية ما احد يتقدم لي " أعزب " .... وخلاص ماعاد بقى إلا الملكة وطول هالوقت استخارة ...
وسبحان الله .. طلعت منه تصرفات أثبتت انه مو كفو ... قبل لا نتملك .. حكى أمور الحريم يتفقون عليها هو ماله دخل وبدا بإسلوب أمر .... من نعزم ومن لا ... يعني زي اللي أنتم تتمنون وماراح يجي بنتكم أحد مثلي ...
وامور أخرى بخصوص وظيفتي ... أو بمعنى آخر شروط ..
ومع ذلك لم أبدي رايي ...
والحمدالله جاء الرفض من أهلي ...
استمر الموضوع أربع أشهر ويمكن أكثر
بعد ما أنتهى الموضوع ... كنت أفكر بإمكاني أقول لأ من البداية بدل ما أعرض نفسي عليه وأنا من الأساس مو طايقته ..
ليش البنت ماترفض الرجال عشان شكله ... بينما هو يحق له ... يتفرج على بنات الناس ويختار اللي تتوافق مع شروطه
طبعا في أسئلة كثيرة وجهتها لنفسي وكنت ألوم نفسي لأني أنا من سمحت بهذا كله ..
شطحت عن موضوعك .... عزيزتي محد يقرر إلا أنت ... وصعب جدا أعطيك قرار أنت أدرى بنفسك من العالم كلهم ... بس لو كتبت أسباب نفورك ممكن نساعدك ...
يعني أسباب نفوري الكل خلاها من توافه الأمور .. وسبحان الله طلعت منه تصرفات هي اللي فركشت الموضوع ..
وقبل لا تقررين استخيري بعد كل صلاة عشان لو صار ما صار تتذكرين انك مستخيرة .. وترتاحين
والله يكتب لك اللي فيه الخير ويعوضنا بالرجال الصالحين عاجلا غير آجلا ...