شهزدا : شكرا لك ما شفت ردك من قبل لأني ماكنت مركزة مشكورة لمشاعرك
خالة قرين : مشكورة على الحكاية ، و ما اقدر ياخالة انزل عند عمي ما اقدر ابدا ,
و معقوول خالة قرين تخاف من ابوها ^ــــــ^ أكيد انه زي ماما ..!
و أشكر جمييع المتابعين ...

.....

المستشار الكريم :
جزاك الله خير ، اتابع ..

- وقفت كتابه لأني تعبت و حسيت أني أعيد نفس المواقف بإختلافات بسيطة مثل الزمن والمكان والسبب
كل الأشياء متصله ببعض ، و كل الحوادث نفسها ..
شعوري بس هو اللي تغير ,, و أفكار غريبة تتولد عندي نتيجة هذا الشعور ..

- إعتقاد يقيني عندي إن كل اللي صار وقاعد يصير خطأ و ظلم كبييير ..
و كل المبررات ضعيفة جدا وغير مقبولة ..

- سؤال صعب جدا يوقف بوجه تقدمي وهو :
كيف أناا أقيم ماما ؟! أو كيف وليش اخطأت ماما ؟؟!
سؤال ثاني بنفس القوة : إش راح تكون نتيجة تقييمي للخطا ؟ إذا كنت تحت نفس الظروف ؟

- بدأت تختلط عندي احداث الماضي والحاضر وكأنها كلها حدث وااحد ..
و بكل صدق اشعر ان احداث الحاضر اشد الم من الماضي ..! أو أنها تضغط على احداث الماضي
و يتضاعف احساسي فيها ..
و أعترف ان هذا زاد بعد مناقشة ماما لك .. بتقول ليش ؟؟
لأنها حدثتك بطريقة د/ هناء .. مو طريقة ماما ..
صحيح أن ما فيه إختلاف بين الشخصيتين إلا إختلاف بسيط وهو ان د/ هناء أكثر شده ..

تمنيت حقيقة أني ما دعيتها هنا ابدا ابدا ..
لانها ايقظت اشياء كثييرة جدا حاولت انساها أو تجاهلها من ساعة حدوثها إلى الآن ..
صحيح أنها حدثت بوقت قريب إلا اني اشعر انها قديمة جدا لأني كنت اهرب من التفكير فيها ..
و لأنها زي ما قلت احداث ضاغطة على احداث قديمة ..

حاولت كتابتها عجزت أو خفت أو ما عندي استعداد لتحمل الم شديد ..
عمري ما تكلمت فيها أو فكرت فيها لكني بصدق كنت اشعر فيها و ابتعد عنها حتى في التفكير
شخصية د/ هناء " المحاضرة في الجامعة " و مواقفها الأليمة مع طالبتها أناا " كنت من طالبتها "..
" بتقول ليش فصلت بينها وبين ماما / لأني فعلاً أشعر أن د/ هناء أشد قسوة من ماما
و أني كنت اكثر خوف منها ..
شعوري المسيطر وقتها كان الخوف لكن الآن هو الألم و الحزن و الكره لكل تلك المواقف ..

- شعوري بإختصار :
حزن والم اتجاه الماضي والحاضر / خووف كبير اتجاه المستقبل والناس " بتقول ليش ؟ ما ادري ؟؟"
و هذى اتمنى احمد ما يشوفها " و خوف من احمد كمان " ليش مادري ؟؟
بس ممكن بإعتباره من الناس وعدم ثقة باحد و احساس طاغي إن فيه شي راح يتغير
أو ترسبات من تحذيرات ماما مع بعض المشاهد القديمة من بابا ..

و سامحنى على الإطالة ..