أبوه إذا صارخ على سلطان وتكلم عليه يرجع يروح له غرفته ويبوسه ويعتذر منه ويقول له هاذا أخوك الصغير وأنت تعرف إنه تعبان و مسكين
وضعيف وهو يحبك ومايكرهك وأنت لازم إنك تصبر عليه وتتحمله وإذا غلط عليك لاتاخذ حقك وتمد يدك عليه أنت تعال و قول لي أنا أو قول لأمك وحنا نحاسبه على غلطه وناخذ لك حقك منه طبعاأبو سلطان عياله يحبهم كلهم ومايرضى يزعل أحد فيهم وإذا زعله يرو ح ويبوسه ويراضيه ويلعب معاه حتى يرضى الولد لاكن طريقة معاملته لمنصور قدام إخوانه فيها إختلاف ومعاملته لمنصور
بهاذا الأسلوب و الطريقة هي إللي خلت سلطان يغار من منصور ويحقد عليه ويتصيد عثراته وصار حاطه في راسه على أي شئ يسويه حتى لو كان منصور مايقصد شئ باللي يسويه وجالس لأخوه منصور عمل منصور قال كذا منصور سوى كذا لو منصور يطيح كاس موية من يده على البلاط سلطان يسوي لنا صافرة إنذار بالبيت تعالوا شوفوا منصور كسر الكاس يا أمي يا أبوية تعالوا بسرعه شوفوا منصور إيش سوى بصراحه عيشه تنرفز يا أختي أنا ماعاد قدرت أسيطر على الوضع بالرغم من إنها تجي علينا أيام يتراشقوا فيها الإثنين بالكلام فقط بدون مضاربات يدوية وتهدى الأمور بينهم بس فجأه تفتكري إلا والبيت شاب حريقه المشكله الولد الصغير جسمه مايساعده
ويبغى يضارب سلطان وياخذ حقه بالقوة طبعا سلطان قلبه طيب وحنون وفي نفس الوقت حساس أنا ألاحظ عليه لما أخوه منصور يمرض أحسه يحن عليه ويجي حوله ويعطيه ألعابه الخاصه يلعبوا فيها مع بعض و يشتري له حلويات وبسكوت ويسولف معاه ويضحكه ولما يتنوم منصور من مرضه بالمستشفي كان يتصل عليه سلطان في الصباح قبل أبوه وإخوانه كلهم ويسأل عنه وعن أخباره ويكلم منصور
ويسولف معاه وأذكر مرة كان منصور تعبان مرة وديناه أنا وأبوه للمستشفى وشلنا الأولاد كلهم معانا جلسناهم بالسيارة وأنا وأبوه دخلنا بمنصور لطوارئ وكان تعبان ومرهق فقرر عليه الدكتور إنه ياخذ مغذي بالوريد لمدة ساعتين وبعدها يشوفوا لوضعه الصحي طبعا زوجي قال لي روحي إجلسي بالسيارة مع العيال لأنه كنا باليل وأنا أخاف أحط عيالي بالبيت لحالهم في اليل وعندي جيران بس عيالي ما يحبوا يجلسوا عند أحد يايجلسون في بيتنا يا ناخذهم معنا طبعا لما رجعت لسيارة فتحت الباب الأمامي وجلست بالمرتبه وقفلت الباب وجلست والعيال كان نصهم نايمين وأنا حسبتهم ناموا كلهم شوية إلا وأسمع صوت نشيج بكاء من السيارة وألتفت لوراء أطالع في عيالي أشوف من فيهم يبكي وأناظر زين إلا وهو سلطان كان ماسك جاكيت أخوه منصور وحاطه على وجهه ويبكي لما رفعت الجاكيت عن وجهه شفت عيونه متورمه من كثر البكاء ولون وجهه أحمر أنا خفت عليه وأرتعبت حسبت فيه شئ لاسمح الله وجلست أسأله وش فيك رده عليه بصوت مخنوق قال ولا شئ ولما لزمت عليه في السؤال قال خايف على منصور لايموت علينا ولا يجيه شئ ونخسره رجعت أنا أهديه شوي وأعطيه مويه يشربها وجلس يسألني عن حالة منصور وإيش قال لنا الدكتور عن وضعه الصحي والحمدالله منصور طلع من المستشفى وجلس سلطان حدود أسبو ع كأنه خادم له في كل شئ مايبغى أخوه يمس ولا شغلة كل طلبات منصور عند سلطان أوامر وبعدها رجعوا لنفس الإسطوانه الأولى وأنا أحس إنهم هما الإثنين هيتفاهموا مع بعض حتى لو تزاعلوا من بعضهم بس بشرط إن أبوهم يعاملهم بطريقة وحده ما يميل مع منصور خلاص إذا غلطوا يتحاسبوا مع بعض وكل واحد ياخذ جزى غلطه إللي أرتكبه مايفضل أحد على أحد ولايصدق هاذا ويكذب ذاك يعاملهم سواسية مثل بعض لأن بعض الأحيان سلطان يخطئ أبوه يتكلم عليه المرة إللي بعدها منصور أرتكب نفس الخطأ إللي سواه سلطان ابوه مايتكلم عليه مثل سلطان وهاذا الشئ إللي يحز في نفس سلطان ويخليه يغار من أخوه ويحسب إن أبوه يحب منصور وهو لا مايحبه ودائما سلطان يردد أبوي يحب منصور أكثر منا ويفضله عليناوإذا غلط ما يحاسبه مثل مايحاسبنا أنا وإخواني ودائما يقول لأبوه شوف إبنك إيش سوى مثلا إذا منصور غلط غلطه بسيطه دائما يردد شوف إبنك المفضل عندك علينا وأنا أشوف من وجهة نظري إن أبوهم إذا قلل إهتمامه بمنصور قدام إخوانه وغير طريقة تعامله معاه ويعامله مثل إخوانه راح تتغير نظرة سلطان لأخوه وماراح عاد يفكر فيه ولايحط دوبه دوب منصور لاكن بهاذا التعامل سلطان يظن إن منصور المقرب عند أبوه منهم وتبدأ الحساسيات والغيرة بينهم وتكبر مشاكلهم وأنا خايفه إن الشق يتوسع وماعاد أقدر ارقعه وأخاف إنهم يكبروا وتعاملهم مع بعض مثل كذا والسبب أبوهم وطريقة تعامله معاهم .

وأخيرا غاليتي نور الإيمان أنا الحين إن شاء الله إني أعطيتك شر ح موسع وواضح أ كثر عن الوضع إللي عندي وأتمنى إني أجد حلول نافعة عندك وأستفيد منك ومعليش أنا غثيتك معي يالغالية تحملينا شوي وأعذريني على فضفضتي الزايدة في موضوعك والله إن صدر أختك ضايق من هالمشكله إللي أحسها بتنسف كل حلم بنيته في خيالي بخصوص عيالي و تدمركل شئ زرعته في نفوس أولادي منذ الصغر.

أنا في إنتظارك يانور والله يجزاك خير على مساعدتك ووقفتك معي بهاذا الخصوص .

















‏ ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله