المشاركة الأصلية كتبت بواسطة لحظة ندم والم

هلا حبيبتي ليه الغرور


صدقيني انا مومنه ان الطلاق هو الحل ﻷسباب كثيره ومقتنعه بالطلاق من ناحيتي انا
هالاسباب هي
1زوجي غير متفهم للمرض الروماتيزمي اللي عندي خاصة ادوية طول العمر ويمكن في يوم يقولي خذي ادويتك من المستووصف حقنا ولو قلت له ماهي موجوده بيقولي شلون ماهي موجوده وش فرق هذا عن هذا (قسم اتوقع كذا كله كره لي والا هو عارف ان الادوية تختلف) خاصة يوم كنت عنده وفي زواج عندهم يقولي مافي سوق بالمدينة الا قريتنا وش فرقك عن خواتي ومافي فساتين زوجة اخةي ماتلبسهم وخواتي مايلبسونهم مع ان خواته وزوجة اخوه تلبسهم

2راح يحرمني جميلات الحياة السوق الدراسة الوظيفة النت حتى الجوال بكاميرا

3راح اعيش معاه بحرمان عاطفي وتعذيب 3

4حقده وكرهه لي

5هو عنصر تنغيص على راحتي النفسية وسعادتي مو معاه وراح اعيش بألم الماضي والحاضر

6لو رجعت لن اعود كما كنت ولن اسامحه او اصافيه


وبالنسيه للاطفال هذي هي النقطة اللي تتعبني وتخليني افكر قبل اتخذ قراري النهائي اللي راح اتخذه بعد الاربعين
وانا عارفه انهم معي مالم اتزوج وهالنقطه هي اللي اهلي يضغطون علي فيها يقولون عارفين انهم معك لكن اذا اتزوجتي وتتوقعين في زوج بيقبل باطفال زوجك(انواع التحطيم) ﻻ ويقولون بعد لا ماراح تتزوجين الا معدد ولاتحلمين في غيره
الان عندي ضغوووووط كثيره من الاهل وابو زوجي يحاولون يرجعوني بسبب الاطفال
وانا بعد ماشفت زوجي في بيته بعد الرجعه الاولى كرهته فهمته انه يكرهني خلاص اقتنعت انه ماراح يتغير
انا كلمة ارجعي اتعب منها لان خلاص مافي امل

المستشارين خلوني افكر واعيد التفكير
المستشار الاول ما خبرني ايش راح اسوي لو ارجع اعطاني خطوات بس واولها اريح نفسيتي هالفتره

المستشار الثاني قالي ارجعي بدون شروط!!!
المستشار هذا ضارب مخه ولاهو حاس فيك ..واصرفي النظر عن المستشارين لانهم ماراح يفهمون وضعك خصوصا انهم رجال واتخذي قراراتك بنفسك.واذا رجعتي سوي ما كأن صار شي

-اهتمي بنظافة البيت ونظافتك وتجملي له(هذي مسويتها ومانفعت!)
-استقبليه استقبال حلو وكلام طيب وحلو(مسويتها ومانفعت)
-بسطيه بالجماع(مسويتها ولافايده)
-اطبخي وتفنني بالطبخ(مسويتها وما نفعت )

خخخخخ الحمدلله مانفع شي واشياء كثيره

الرجال مايملى عينهم غير التراب وهذا الشخص الله ماسخره لك..وكلنا ندري السخره من الله لكن هذا ربي ماسخره لحكمه لايعلمها الا ربك..
انا ارى اننا وصلنا لمرحلة النهاية

ليه الغرور افرضي اتطلقت طفلي الان سنة والثاني جوا خخخخخخ يعني لو اتزوجت قبل لايصيرون سبع سنوات ايش اسوي وقتها وامي ترفض الحضانه ؟كيف يكونون معي؟

الي اعرفه ان الارمله او المطلقه باطفال تشرط بقاء اطفالها معها في حال تقدم لها شخص.اعرف ثلاث وحده مطلقه واثنين ارامل رزقهم الله بازواج شايلين االاطفال في عيونهم وكانهم اطفالهم ماشاء الله.. الله لايغير عليهم لكن المطلقه تزوجت رجل عقيم مطلق لاينجب وهذا في صالحها والارامل مع ازواج مطلقين بدون زوجات.هذي نماذج انا اشوفهم واعرفهم معرفه شخصيه.


البارح امي تقول اخاف لو اخذ الحضانه زوجك يذبح عيالي ويحمرني منهم ؟ قلت طيب كله الخوف منه وتبوني اعيش معه يمكن يذبحني انا بالموت البطيء(التعذيب النفسي)

انا آسفه اختي انا مدري كيف اهلك يفكرون.احسهم مايبون يرجعونك عشان اطفالك كل همهم مايبون بنتهم تتطلق والناس تتكلم يعني معقوله يفكرون في كلام الناس على حساب صحتك ونفسيتك..مع الناس ماراح تتكلم مثل زمان واكيد الكل عارف اخلاقه ومعاملته السيئه لك.

و زوجك كيف مع الاطفال يعني يبيهم او هدد انه ياخذهم منك..يمكن الامور تمشي عكس ماتتوقعون ..لايسال عنهم ولا يعترف فيهم من الاساس

البارح امي تقولي هذا يكرهك علشان طلقتيه!!!
قلت انا طلقت نفسي منه وهو رجعني ما طلقته قالت لا الناس مايفهمونها كذا
ليه الغرور قبل سنة ونص في وحده ترسل له رسائل تسبني وانها تحبه هو قالي لكن انا رحت للسجل لقيته مسميها حبيبي وزعلت عليه كيف تسميها كذا وهي تسبني وقالي نزوه اخرشي قلت وكلني بطلاقي وضحك وقال وكلتك طبعا هو مايدري اني جادة وطلقت نفسي الخبر انتشر ووقتها كنت حامل بطفلي الاول وهو جاء ورجعني وقال لابوي لو ما ابيها مارجعتها

والناس قعدو يكررون فلانه طلقت فلان(عكسوها) شرايك انا غلطانه هنا ؟. امي تقولي ماراح ينساها ابدا هذي قويه قلت بالشرع طلاق لنفسي مو له ولو اطلقه جد كان خلعته وليش يرجعني اذا مجروح علشان الحمل وينتقم مني
يالله مجروح من هالكلمه...معقوله ...طيب والي سواه فيك قبل لاتطلقين نفسك يوم خانك وسمح لو حده عاهره تسبك وحادثة اول ليله لك معاه ماذكرتي امك فيها ومنتي مجروحه منه ..ولا بس هو الي يحس اما انتي ماتحسين عادي يجرح فيك ويهين..ذكري امك انه سيء معك من اول يوم ومن اول ساعه عرفتيه فيها.
ووضحي ليش ما اقبل بالمعدد

المعدد ماراح ترتاحين معاه يعني تطلعين من حفره وتسقطين في حفره ثانيه خصوصا انك ماراح تكونين متاكده من نواياه ولاتدرين وش مخبيتلك زوجته الاولى يعني ماراح تعيشين في امان حتى لو طلع هو طيب وانتي اكيد عارفه بمشاكل المعددين وزوجاتهم مايحتاج اشرح اكثر ..وبالنسبه للمطلق او الارمل الي بدون زوجات يامكثرهم على الارض..واهلك ليش يحطمون فيك ويسبقون القدر ويقولون مالك غير معدد قوليلهم الارزاق بيد الله وبلاش التفكير السلبي..من يدري يمكن يجي شاب ماتزوج وربي يسخره لك و يرفعك فوق السما
ومشكووووره على الدعم النفسي