المشاركة الأصلية كتبت بواسطة لحظة ندم والم

مرحباااا


الان اهلي يحاولون يقنوعوني اني ارجع بعد الولادة ولكن بشروط وكل هذا من اجل الاطفال

حاطين امامي هذي المعادلة
اذا اتطلقت واتزوجت راح يروحون الاطفال لابيهم وممكن اني ماتزوج الا معدد او كبير سن بحكم وضع المطلقة وبكذا خسرت الاطفال والزوج واهديته لزوجته اللي ماخذها

لا يااختي ماراح يروحون لابيهم...حضانتهم لك الا 7 سنوات قبل كم يوم قريبتي زوجها يهدد ويتوعد انه ياخذ بنته وعمرها سنتين راحوا المحكمه وحكم لها القاضي وبدون نقاش بحضانة بنتها 7 سنوات وقال القاضي الكلام الي في الصك هو الي راح يتنفذ وان اخذها ابوها او خطفها سيعاقب..
اختي لحظة ندم الحين القضاه خصوصا بعد قضايا تعذيب الاطفال من قبل زوجة الاب صاروا يحرصون ان الاطفال تاخذهم امهم..
براءيي ان المعادله صحيحه باستثنا الزوج لاني خسرانه الغير معدد يعني زوجي معدد الان ومايهمني وكارهه العيشه معاه ولو تزوجت غيره بشتري راحتي لكن اكيد بينشغل بالي ع اطفالي

وليش ماتفكرين باجابيه الله اعلم احتمال انك تتزوجي واحد سبق له الزواج يعني ارمل او مطلق وتكونين انتي الوحيده معه ويمكن شاب ايش عرفك خصوصا انك صغيره..واعرف كثير مطلقات تزوجوا من مطلق او ارمل بدون زوجه وعيالك اشرطي على المتقدم انه يكونون معاك وافق كان بها ماوافق ليس بنهاية الحياه وكلنا في الاخير تحت التراب سواء تزوجتي او لم تتزوجي ..لكن نصيحه لاتقبلي بالمعدد ابدا مهما كان محترم وكويس..
انا اقول عندي خيارين ارجع او اعيش عازبة

لا والله تعيشين عازبه ولاتتعبين نفسيا عشان رجال مايقدر ولايحترم..

ورجوعي لزوج مايحبني وصعب التعامل معاه وقاسي هذا بيتعبني نفسيا

الموضوع اكبر من كذا لو جات على النفسيه نقول عادي ترفهين عنها باي شي ثاني لكن الذل والحرمان الي بيعيشك فيه وفي المقابل تشوفين زوجته الثانيه معطيها كل شي صدقيني ماراح تتحملين..
او اعيش عازبه هذا برضو صعب لاني راح اكون عاله انا واطفالي على اهلي واخواني واتشتت بين اخواني وزوجاتهم بالمستقبل

من هالناحيه الحكومه الله يعزها ماقصرت مع الارامل والمطلقات...اي مطلقه يصرفون لها راتب شهري وكمان عندك الجمعيات الخيريه خصوصا في رمضان يوفرون كل شي من مواد غذائيه وغيرها و ماراح تقصر معك وايضا المطلقات الحكومه توفر لهم بيوت..كل ماعليك انك تقدمي صك طلاقك وكلها كم شهر بتكون شقتك جاهزه. .

ودائما افكر في مخرج
فقلت للوالده تاخذ حضانة اطفالي ورفضت لسببين الاول انها مريضه ولا تقدر على متابعة الاطفال حتى بوجود الخادمه
السبب الثاني هو انها لاتريد ان تدخل في خلافات وشجارات مع زوجي واهله وتخشى على اخواني منهم

عيالك معك 7سنوات ومحد يقدر ياخذهم ولاتخافين البلد فيها قوانين الي يخالفها راح يعاقب حتى لو كان ابوهم

ايش الحل
زوجي ما اقدر اعيش معاه يعني صعبه انا خلاص عفته كرهته
ولو قلنا ارجع ايش اسوي وايش استفيد لان لو حاولت اصلاحه فماذا افعل كل شي سويته ومع كل هذا مو عاجبته وسيئة!
ولان بعد زواجه عليك راح يشوفك اسوأ وأسوأ
انا استخرت كثير وصايره بين امرين
ارجع لاجل اطفالي
وما ارجع لاجل نفسي خاصة ان زوجي ما حاول يرجعني وكل اللي يصير من ابوه قاعد يضغط عليه يرجعني
ومو معقوله برمي اطفالي عليه
حتى اني دقيت على مستشار وقالي ارجعي لزوجك وحاولي اصلاحه علشان اطفالك وانسي طلاق لان الاستمرار هو الخيار اللي امامنا اقل ضرر
برضو مو مقتنعه

كل المستشارين كلامهم واحد لانهم مايدرون ولا هم عايشين الي انتي عايشته..انتي ادرى بنفسك وادرى بنفس زوجك وعارفه تماما ايش راح يصير لك لو رجعتي..

ما ابي اتخذ قرار واندم زي ما انا ندمانه اني استمريت معاه وانجبت مالحل ارشدوووووني