اخواني اقدم لكم نشرة المساء لهذا اليوم الهادئ من مقرنا في ( ابو غريب )
اليوم وبعد اخر نشرة رحت وصكيتها نومه جنب المعزبة وفي وسط احضاني ماي بيبي طفلي يعني,,,,,,
المهم مادريت الا راحت علي نومه لان صار لي فترة من يوم اجي من الدوام اقعد صاحي العصر ولا انام الا 11 بالليل
مالكم بالطويلة قمت وتوضيت وصليت المغرب ويوم جيت اجلس واحصل قهوة قدامي حسيت بدهشة وذهول وسويت نفسي عادي تقهويت وجلسنا ساكتين كلن مبرطم
قالت تعشا هنا قلت لا
جت صلاة العشاء قلت قومي صلي وقعدت تطالع فيني وتضحك وهي حاطه البطانيه عليها في المجلس وتفرج تلفزيون كأني يوم قلت صلي حسيت في نظرتها تقول ماتعرف ديانتي انت
نزلت تحت لا اهلي ومشيت ورحت العب ولدي مع خواتي وعيالهم
المهم جلست انا واختي ونسولف وجا طاريها !!
وابشركم لقيت نصير لي وحسيت اني فعلاً ماظلمتها بعد ماكنت متوقع رغم الي تسويه ان العيب يمكن مني
جلسنا نسولف وصارحتني اختي وقالت ولله ياختك تراها عوبا وماكنا متوقعين انها كذا بس وش نسوي طاح الفاس في الراس قلت اخيراً عرفتو لاحد يلومني اذا جيت اعرس اجل وعلمت اختي يوم تقول خذ فضلتك ميد ولدي وقالت بصراحه الكلمة هاذي قويه وماتستحتي على وجهها هاذي...
المهم قلت اذا جا عندك فرصة انصحيها وضحي لها بدون ماحد يدري قالت يارجال امها عجزت فيها بس بسوي الي علي بطريقتي
طلعت فوق وهاذي هي قدامي وقلت غسلي ملابسي وراحت وغسلتها والحين قلت لها اكويها قالت بكويها الفجر وسكت والى الان انتظر تفتح موضوع منبطحه تطالع في التلفزيون والبلاك بيري في يدها
هاذي نشرة المساء لهذه اللحظه
اي اخبار عاجلة سوف اوافيكم بها في حينها
تابعونا بإستمرار اعزائي المتابعين
التعديل الأخير تم بواسطة متورط بمرتي ; 18-09-2011 الساعة 10:06 PM