زوجي للاسف طلع خاروف كبير..ومع التحيه
...
كلمته تقريبا ساعه كاامله
وانا الي اقل من ربع الدقيقه ويتقفل بوجهي وانا ماكملت حتى كلامي..
...
قلي اسمه صريح العباره والحي كمان..للاسف الشديد
كذب بعمره صغر نفسه عشره سنوات
وماجاب سيره انه متزوج
سئلته عن الصفات الي يحبها بالمرأءه
ذكر صفات ليا وصفات ثانيه لاء
وانا قلت شي كنت اطلبه منه ياما وياما
وهنا شك انه ممكن اكون انا اتصل على جوالي الثاني وانا مسويته سايلنت
والمضحك مره سياره من الانواع الرياضيه ماطورها عالي سمعته عندي وعنده لانه كان بسيارته يكلمني
ووالحمد الله ماركز ولا عرف اني من نفس المنطقه
طلبت منه شحن جوال وقلي ابشري بكم...؟
الله يرحم سنسن لا طلبت منه جاب ليا عشرع عشرين
واذا اكرمها جاب لي 50
....
طلبت اشوفه قلي دحين اجي وشوفيني من الشباك
رومنسي ..وذوا سوابق
يعني الفعل ذا سواه مرارا وتكرار
كلمته بالوتر الحساس الي مايحب يذكره شهاداته تخصصصه ضيع الموضوع
اعطيته موعد قلت له راح ارسل لك رساله وتقابلني فيها بمكان
وبينت له اني بنت جامعيه وراح اروح لصديقتي
والموعد هي الضربه القاضيه بيني وبينه
وراح استعين باقتراح اخوي نهار جديد...
واحاول محاوله اخيره
ان صلح حاله كملت معاه مشوار حياتي
وان ماصلح
الطلاق علي اهون ان اعيش مع خائن لا يقدر حياته الزوجيه
واودع الجنس الاخر بكل اريحيه واعيش لنفسي وابنائي
للاسف احنا بزمن صعب كثرت فيه الخيانات
اغلب المشاكل الرجال خائنين
يامه محمد ..وينكم من الدين ليه سار الفساد بالشكل ذا ماني عارفه
حسبي الله ونعم الوكيل
....
امس سويت خطوتين كلمته..+ رحت السوق انا وابني وخادمتي بعد دوامي مساء
واشتريت ملابس بيتوتيه بمحتلف الاشكال
وباغلى الاسعار
وياسبحان الله
نزل في خسابي مبلغ كنت انتظره من زمن....مارحمك ياربي
لم اصدق لان ك ان معايا فقط حدود 600 ريال
والمولات غاليه والماركات اغلى
لمى جيت احاسب كان نفسي اخذ واخذ ردت فعل عكسيه جااتني
قلت خليني اجرب حظي طلبت من البنت اللكاشير قسم الانجري تجرب البطاقه
حاسبت المبلغ 400
قلت من وين جات االفلوس الي اعرفه في 50 ريال
ورحت شيكت الصراف بنفس المول
ولقيت بحسابي حدود 5000 الاف واكثر
وماخليت على نفسي شي
ولا اول مره مافكر فيه افكر بنفسي فقط
...
على فكره الوقت الي كلمته فيه قلي رايح السوبرماركت اجيب دخان
وانا مجهزه نفسي باحلى لبس...
لاكن ماراح يحصل شي لفتره طويله
واعذروني لصراحتي
لعل خطتي تجيب نتيجه مع اشخاص مثله خووونه
.................
وعند عودته للبيت وجدت قطه سودااء عند الباب والله اني خفت
واستغليت المبالغه بالخووف....حتى ايشك فيني باني انا من كنت احدثه لانه نظر ليا نظره شك
...
وجا حامي بعد المطالمه وكرامتي ماسمحتلي اسلمه نفسي...
تمنعت عنه وقلت له اذا اردت ححقك كامل نام يومي زي الازواج بسريرك
لا تجيني وقت شهوتك فقط...لاني ماني مكينه لتفرغ رغباتك فقط
.......................
خرج زعلان من الغرفه
وبني وبينه الله...حتى لو نمت ملعونه هو السبب
بعدها قرب وقت اذان الفجر ففضلت الخروج للصاله
جلس جنبي
وحاول مره اخرى
وسبحان الله..مجرد حظني
انهرت بالبكاء بشكل فظيع
استغرب الامر وش فيك الخ الخ
قلت له متضايقه...بدون ماحدد السبب
واستغل انه يهدني وياخذ حقه
فارفضت
وانقلب الوضع لتلميحات
بشكل غير مباشر ماقدرت امسك لساني الطويل طبعا
وخفت اخرب ماخططت له..
المهم قلي صكي فمك الخ الخ
وجااب حزام قلك بيضربي توقع اني بسكت او اجاريه
لكني هديت
قلت تبغا تضربني بالحزام وصلت لكذا
تفضل اضرب
عادي...
على فكره الزعيق عنده وردت فعلا والعين الجاحظه حركه لتخويفي وتسكيتي
وانا والله العظيم الاسلوب ذا مايجي معايا لو سكين رفعه علي ماخاف
قلي اسير رجال وامسك يدي عششان ماضربك ههههههههه اضحك ول ابكي
قلت تفضل سير رجال واضربي بالحزام
قلي ماراح اضربك انا عارف انتي تبغين كذا عشان تروحين لهلك
قلت ليه مسوي شي غلط خايف منه اروح لاهلي ولا على راسك بطحه..؟
هرب
قام جاب سيره سلفتي الي نقلت من جوااري من ست سنوات
انها هي من تقوم بتحريشي وتخرب بيتي
رغم ماليه اي علاقه فيها نهائيا واستغربت الجمله الي وضعها
قولي انتي قلتي كذا
قلت له اترك الناس في حالهم حرمه مصلي عابده ربها ساتره نفسها وبيتها احسن منك
ولا تحلحق الناس بالفظك او تتقول عليا شي بلساني ماقلته
وعصبت وطلع صوتي
وطبعا راح المجلس موقعه الاخر للتبطح فيه
.........
وكالعاده جلس الله يلعنك مو عاجبك روحي بيت اهلك
وهي اكره جملتين اسمعهاا منه
اي حاجه لو بسيطه لعني موعاجبك روحي بيت اهلك
وطبعا ثرت قلت روح صلي وارفع يدك لربي وقول الله يعلتها وادعي الي نفسك في عليا
وانا ادعي ان ربي شاهد ويشل لسانك الي تدعي ععليا فيه ليل نهار
وهرب من المواجه
زي الي خايف اصدمه اني اعرف شي
......................
والله العظيم هاذا ماحصل بالملي
.......
ارجوكم اعطوني ارائكم
واقترحاتكم
انا في اشد الحاجه لها الان
فربما احدكم يصيب بحل بكل مانعاني منه
وصلى الله وبارك على رسول الله محمد صلى الله عليه وسلم
__________________
..كل..ماقول هانت..جد علمن جديد..
أملي بربي كبير
.
التعديل الأخير تم بواسطة ::ALWAN:: ; 16-09-2011 الساعة 01:15 PM