لجميع من يلوموني...بأستمراري معه..انا لا الومكم ففي البداية كان امامي امران الطلاق((وجميعنا نعرف صعوبته ووضع المطلقةالآن في المجتمع وكثرة ظلمه لها)) او اصلاح الكائن الذي امامي ..فأخترت اصلاحه وهذا ليس رأيي انا فقط بل الكثير من المستشارين المتخصصن...لكن زوجي وللأسف ليس من النوع القابل للتغيير يعني لا يلين ولا يتغير...وحاط براسه اني ابيه خاتم بأصبعي وخايف من سيطرتي عليه..وكل ما شاف ان وضعنا هداء شويه وبدينا نفهم بعض او الأمور بتمشي على مايرام صنع مشكله او تهرب المهم يخرب اللي انا اسويه يعني زوجي كان عارف اني احاول اكسبه واحببه فيني ويهدم ما ابني.......
وفشلت معاه بجميع محاولاتي بالأضافه ان شخصية زوجي نفسها صعبة وليست لينه...حاولت الطلاق وهو اول من رفض هالشي ومع هذا مايتغير((لايتغير ولا يطلق!!!!))ثم ان اهلي رفضو طلاقنا وخاصة الوالد لأسباب انه صغير وانا صغيره - وجاهل بأمور الزواج-وانتظارهم يتغير علما انهم الآن ينتظرون انه يتغير بعد زواجه؛؛<<<مدري كيف تجي هذي وانا يائسه منه...
المشكله الآن تكمن فيما يلي بوجهة نظري والله المستعان
- زوج لا يحبني ويكن لي كره خفي يظهر على افعاله ومحاولة قهري بكل الطرق بأصغرهاواكبرها((زي يوم كنت عنده يسلم على زوجات اخوانه ويسألهم عن احوالهم وانا يناديني بهيه سواء عندهم او بلحالنا وطوال الفتره اللي كنت عنده -- ومثل لما رفض يبني لي دورة مياه الله يعزكم وزوجته بيبني لها بيت وجنب بيتي ومطلع كلمه كل الناس يرددونها الجدار بالجدار يعني جدار بيتها بجدار بيتي قهر لي ومضايقه لي))
-كرهي له وحقدي عليه بعد هالأفعال ومجرد تخيل اني اعيش معاه ما اقدر وحتى لو اغصبوني ارجع مارح اصافيه او تكون علاقتنا حلوه راح تكون اسوأبكثيييير من قبل
-الأطفال وهنا المشكله الكبرى...لو اطلق بتكون الحضانه معي لكن لما اتزوج بياخذهم وامي ترفض حضانتهم لأنها امراة كبيرة ومريضه وحتى عند الشغاله برضو رافضه حاولت معاها مافي فايده..
رجوع ما اقدر ارجع حتى اني اتصلت على مركز للتنمية الأسرية وقالي المستشار اصلحي زوجك علشان اطفالك برضو رافضه
ولو اطلق بتزوج لكن الأطفال!!الله المستعان الله يفرجها