المشاركة الأصلية كتبت بواسطة بنت الحكمي

ماشاء الله تبارك الله كتبتي فأبدعتي بارك الله فيك وصدقتي في ماقلتي وأحيانا رأي العاطفه عند الشخص الناصح يغلب رأي العقل بالذات إذا مر بمواقف في حياته نفس مواقف طالب النصح فيتذكر مامر به من ظروف مشابهة

صحيح ..

وأحيان يكون هناك فيه تسرع في إبداء الرأي لصاحب المشكله بدون ما يحاسب الواحد على كلامه بالنسبه لأصحاب المشاكل إللي ينصح فيها بالطلاق أو الزواج من أخرى يجب أن نعامل مشاكل هائولاء الإخوة مثل المريض عندما يأتي لطبيب ويشكو من ألم في جسده الطبيب لايصف له الدواء مباشرة بدون تشخيص وفحوصات والسؤال عن التاريخ المرضي لحالته لابد من أن يقوم الطبيب الناجح بكل الفحوصات اللازمه للمريض ومن ثما إعطائه العلاج المناسب لحالته المرضيه ونحن يجب أن نعامل صاحب المشكله مثل مايعامل الطبيب مريضه

تشبيه رااااائع احسنت ِ ياام سلطاان ..

وأنا صراحة معجبه ببعض الإخوان والأخوات الأعضاء هنا إللي مايعطوا رأيهم إلابعد سؤال صاحب المشكله عدة أسئله من خلال الإجابه عليها تتضح لهم بعض الأمور في مشكلة العضو وعلى هاذا الأساس يقولوا رأيهم ويعطوا حلولهم ودائما مشاركاتهم تتصف بالعقلانيه وعدم التسر ع فالله يجزاهم خير

الله يكثر من امثالهم .. والله يجزاك ويجزاهم خير ...

ولاننسى طبعا إن فيه هناك بعض من اللي يطرحون مشاكلهم في المنتدى يخفوا بعض التفاصيل المهمه وبعض الأسباب في المشكله ويعتبر إنه مالها داعي بينما لما ندقق في أسلوبه وردوده على الأعضاء وإظهار بعض التفاصيل التي لم يذكرها في البداية تجد إن هو كمان يتحمل جزء من مشكلته

صدقت ِ يبقى هناك حلقات مفقوده لم تذكر ..

وإن هو كمان مخطئ في تعامله مع مشكلته سوى بإهماله أو مسامحته وتغاضيه أو أسلوبه إذا كان شخص عنيد وعصبي وقاسي ولايعترف بالتنازلات لطرف الآخر يعني يبغى الكلمة كلمته أو إن صاحب المشكله يكون تعامله مع مشكلته بطريقه إنهزاميه ولايستطيع المواجهة فيلجأ للمنتدى يدور مواساة ويفضفض عن مشاكله

فعلا .. هو لاشعوريا يريد ان يفضفض وليس البحث عن حلول ..

الخاصه وكل ماقالوا له الأعضاء عن حل لمشاكله يقول أخاف وما أقدر ويمكن يصير كذا وصعبه
أسوي كذا يمكن الطرف الآخر يتضايق ويفكر كذا ويقول إنه أنا وأنا وتجده يتهرب من واقعه ومن المشاكل إللي تواجهه في حياته ويدور الطبطبه والتصبير من الناس فتجد من الأعضاء من منهم ينصحه وفيه من يجرحه وفيه من يصبره ويدعي له وفيه من يعاتبه وفيه من بالهم يخاويه
ويصير صديقه لأنه يعاني نفس مشكلته
صحيح كلامك مليون بالميه ..

وفيه من يجي عاكس السير والله المستعان على حال هالدنيا

ومن مطفي النور كمان

بالمناسبه أنا سمعت عن معلومه في الطب ما أدري
هل هيه صحيحه أم خاطئه تقول إن الطبيب الجراح لايجري عمليات جراحيه لأقاربه وأصحابه حتى ما تتأثر نفسيته أثناء إجراء العملية وتحدث مضاعفات للمريض فهل ياترى هاذي المعلومه صحيحه

اتوقع حسب الطبيب نفسه .. بس كلامك اقرب للصحه بشكل عام ..
امي لها ولد اخت طبيب اسنان ممتاز .. فاحيانا كانت تروح له .. بعده فتره صارت ماتتعالج عنده
فسالتها ليش ..؟ قالت احسه يرتبك ويخاف علي .. كل شوي يقول لي خالتي عسى ماعورتك .؟
خالتي لو اوجعتك خبريني ..؟ يقعد طول الوقت خايف انه يوجعني .. فرحمته ورحت لطبيبه بمستشفى
اخر ... فالمعلومه منطقيا جدا ..


وإذا كانت فعلا صحيحه فلا نحاول ندور الحلول لمشاكل الآخرين اللي نحن نتأثر بها نفسيا وعاطفيا ونزيدها بدل مانفيدها ونتركها للي يقدر يقدم حلول مفيده لصاحب المشكلة ونحن نكتفي لهم بالدعوات والتوفيق
‏ لأنه صعب جدا إنك تعطي حل لمشكلة أنت شخصيا تعاني منها وفشلت في حلها في حياتك وعندك عدة حلول قدمتها وفشلت فيها وتبغى غيرك يطبقها يمكن ماتناسبه حلولك

ممتاااز جدا ... كشفتي جانب فيني .. فعلا انا اذا وجدت مشكله نفسي مريت فيها . مااعقب عليها ابدا ..
لانه لايوجد لدي حل لها .. او اخشى ان اتعاطف معها فااندم ... فااكتفي بالدعاء في ظهر الغيب ..

يمكن كلامك إللي نصحته فيه يزيد يخرب عليه حياته زياده ويزيد الطين بله وأنا والله للحين فاكره شخص دخل المنتدى ونزل موضو ع وخص فيه الحريم وقال إن حريم المنتدى خربوا عليه زوجته بنصايحهم ويبغوا يهدموا بيته وقال ماعاد بيدخل للمنتدى بسبب بعض النصايح الهدامه لحد الآن فاكره هاذا الموضو ع وبصراحه إذا على الهدم في حياة الناس مو في المنتديات وبس إلا حتى في الواقع

الله المستعان ..

تلاقي الواحد أو الوحدة مسهبل وراء كلام ونصايح صديقه وإلا أهله وتلاقيه يطبق كل شئ ينقال له بحذافيره على باله إن هاذا الأسلوب ناجح وإن هاذا الصديق أو الصديقه يحبه ويحب مصلحته وفي الحقيقه ماهو إلا حسدا وبغضا وغيرة على نجاح حياة هالشخص تجده يوجه لصديقه النصايح والإرشادات إللي بتدمر حياته ويحرمه راحته وسعادته مع أسرته إلا مارحم الله من الأهل والأصدقاء بعضهم طيبين وعلى نياتهم لاكن بعضهم يضحك بوجهك بس ماتدري وش يحيك في نفسه لك والإنسان العاقل والناضج إللي تهمه نجاح حياته هو إللي يقدر يحافظ على بيته وياخذ الشئ إللي ينفعه وفي مصلحته ويفيده في حياته ويترك الشئ إللي بيضره ويسبب له مشاكل في أسرته
سوى من قريب أو بعيد .

عموما عزيزتي يالاتظلمونه أنا طولت عليك وموضوعك جميل جدا ومفيد والله يجزاك خير وربنا يسعدك ويوفقك في حياتك ويرزقك الذرية الصالحة التي تقر بهاعينك عاجل غير آجل يار ب .