اخوي كيف حالك وعساك طيب
انا قريت قصتك الاولي وهاذي اظاهر انها تكمله
ع العموم ماعلية
ابي منك شي : اسحب فرامل من الان
واسمعني زين او فتح مخك زين
انت حساس صح والا انا غلطان
وتعلقت بحب زوجتك صح والا انا غلطان لاكن حركاتها ترفع ضغط وودك تعطيها كل شي بس بذوق
ودك ان زوجتك تشاورك وتهتم فيك وتسمع كلامك صح والا انا غلطان
المهم الحل عندي وانا ابوهندي
اتبع الارشادات التالية :
لاتطلق زوجتك " طعني " وتراك تبي تتحسف وترجع منذل تبي رضاها "
خلك حكيم في كل امورك يعني " لاتطير في العجة من كلام اللي حولك "
ارقي نفسك صح 100% وارقي زوجتك واذا ماقدرت دور لك شيخ ثقه وخله يقرا عليك اول ثم زوجتك
لاتقول مافيني عين او زوجتي مافيها عين لا اعمل السبب وترا فيه طريقة مجربه تعطيك مفعول ويبين اثر العين قالها لي واحد من الشباب تخلط سدر وشبه مع ماء مقري فية وتزود ماء عادي علشان يكثر وتستحم فية لمدة شهر او 45 يوم انت وزوجتك ويبي يبين فيك وخلك علي اتصال مع احد المشائخ يعلمك الطريقة
الشي الاخر : ترى اغلب الحريم نكد " ولاتزعلون يابنات حواء " ونصبر وترى اللي عندي وعندك خير بس وش نسوي تبينا نصنع حرمة كامله ابد ابد تركد وتذكر الحور العين في الجنة ان شاء الله وجميع المسلمين
الحرمة يبان انها مصبة بالعين : تلقاها
تطنشك
ترفع ضغطك
تبي الفكة منك
تدور اي درب يوصل للطلاق
تتهمك
لاكن لو هي صاحيه ماتسوي كذا
ولو فعلا تكرهك كان بدري عليك تجامعها ترا الكره مهب سهل
اللمهم خل عنك التشكي الزايد لو انك لاحقن علي حيات جدك يوم انه معرس كان شفت عجب العجاب
الحرمة تسلك بس مالقت اللي يمشيها صح انت لاترخي الحبل مره ولا تشدة مرة
باللنسبة لام زوجتك شف لك يوم تتوقع انها لحالها وسو لك هدية وادخل عليها
بس شف لاتمده علي طول لا
اقعد معها وافتح موضوع النقاش بهدوووووووء تااااااام واذا قالت لك شي قل لها سميي سامعك او فاهمك اللمهم عطها بالن وسييييع واذا خلصت ابدأ بعملية اسمها نظام " الاستدراج " بس بخطة قوية وذكية
ممكن فيه احد مطلعن عليك كلام قوي ورهوك وانت ياحضي علي نياتك
طبق اللي قلته واذا ضبطت الامور ومشت ورجعت زوجتك بشرنا
تحياتي العطرة لشخصك الكريم ،،،