الصدق ما احب اتكلم بالجزئيات هذي ولكن راح اقولك بعض الاشياء اللي احسها تسبب لك مشكله

عادي صح غلط يصلح !!
هذي اكثر الكلمات اللي تفكرين فيها طيب فيه كلمات ثانيه
استانس اعيش حياتي اجرب الحب

اختي اسمعيني انتي انسانه متزوجه وقريبا راح تكونين ببيت زوجك وراح يجري بينكم مايجري بين المتزوجين

ماتبين مقدمات لهالشي ! اكثر المشاكل الي تجري بين المتزوجين في بداية الزواج هي الحياه الجنسيه من الصعب على البنت انها تتقلب هذا الانسان بالفراش على طول

تحتاج مقدمات تحتاج تتكلم بالموضوع ونتم متزوجين على سنة الله ورسوله وش المانع انكم تتكلمون وتستانسون والله الحياه حلوه ونتي تضيعينها


ونتي قلتي انه زوجك هو اللي يطلب وهو انسان عاقل طيب وين المشكله


ارجوك انسي كل الافكار اللي اتعبتك واتعبت زوجك هذي اجمل السنوات عيشوها

فيه بيت شعر يجي ببالي اذا شفت بعض الناس يرغبون انهم يستمتعون بحياتهم بس المجتمع يمنعهم

ليا صفالك زمانك عل ياظامي
اشرب قبل لايحوس الطين صافيها

انتي ماتدرين وش بكرا يصير ! ولاتدرين وش مخبي لك المستقبل والان الزمن صافي لك ونتي مع زوج يحبك عيشي الحب
يعني حتى المتزوجين تدخلو فيهم ويصلح ومايصلح ماعليك من الناس ترا والله زوجك يمكن يلاحظ تأثرك بكلام الناس ويمكن يبدا يحس انه مالك شخصيه

لاتسمحين لأفكار باليه في مجتمعنا انها تخرب عليكم
يعني حنا بشر ونرغب بالاشياء هذي على الاقل نفكر فيها وتهمنا الان حصلت لك بالحلال


وش المشكله لو اتصلتي الان على زوجك من دون سبب وقلتي احبك من دون اي مقدمات ولا اي شي
ماتخسرين شي وتكسبين انك تعيشين بحب ويبادلك هو الحب
يمكن المسكين تفرحينه يقعد يومه كامل مستانس

انتي مقصره بحق زوجك وبحق نفسك صراحه




الله يوفقك