اقتباس:
المشاركة الأصلية كتبت بواسطة البرنتيسا
أكيد إنك إنسان بأحاسيس ومشاعر ، والله سبحانه وتعالى بيختبرك رغم أنك بقلب ميت ؟! ، لا طبعاً فالإختبار يكون على بلوى تصيبك وردة فعلك وتعاملك معها هو اللي سيحدد النتيجة! .
احمدالله واصبر واحتسبه أجر ، وفي نفس الوقت غير من أسلوبك شوي ، لا تخلي نفسك بلا شخصية! ، لما يجيب أبوك مطعم أو شيء ولا جاب لك ، اسأله ماطلبت لي ؟!
وإذا قال لا وعصب وسوى مشكله قل له خلاص هد اعصابك سؤال تراه ! ، واسحب نفسك ، وهكذا مع كل موقف لازم يكون لك صوت وفي نفس الوقت أنت سكر المشكلة لما تبدأ ، وصدقني أبوك ماراح يتهنى بأكله وراح يفكر ويلوم نفسه ويراجعها مليون مرة ، ممكن ماراح تلقى تأثير إيجابي مع أهلك بالبداية وهذا طبيعي ، لكن شوي شوي بإذن الله راح يتعدلون وإن كان بشكل بسيط .
وأما وأنت رجال 30 سنة فأنت خلاص رجال كبير وإن شاءالله أب ومالهم كلمة عليك ، لكن من الآن وحتى 10 سنين قدام ابني شخصيتك وخلك قوي لكن مو بالصوت العالي ولا باليد أكيد ، بأسلوب محترم خذ حقك بهدوء وافرض شخصيتك بدون ماتزعجهم بشيء ، خذ اللي يحق لك بالحسنى وربي تعالى بيعينك لأن نيتك طيبة وهذا حق من حقوقك !! .
بر فيهم بنفس الوقت ، وتعوذ من ابليس لا يوسوس عليك ، وحاول قد ماتقدر ماتعوض عن هذا النقص بأسلوب غير شرعي ، ما أقولك اكبت نفسك لكن خل الشكوى لـ الله فهو سبحانه قادر ورحيم ، خصوصاً وإننا في رمضان ودعوة الصائم مستجابة ، ودعوته عند فطره لا ترد ، وفي الثلث الأخير الله سبحانه ينزل من السماء ويسأل عباده : هل من داعٍ فأستجيب له ؟! ، سبحان الله العظيم .
استغل هذا الشهر الفضيل وخصوصاً في العشر الآواخر هذي ، مافيه شيء مستحيل على الله سبحانه فهو مقلب القلوب يقلبها كيفما يشاء ، وتذكر بأن الدعاء والقدر يتعاركان في السماء ، فإن انتصر دعائك بدل الله ماقدر لك بما دعوت! .
الله يوفقك ويسهل عليك ، ويرزقك خيراً عاجلاً غير آجلاً .
|
بالنسبة للأكل أنا ماعندي مشكلة أعبر نفسي بأي لقمة بالبيت لكن لو حاولت أكلمه لما يجيب الأكل له ولأخوي بيستهتر وبينقص مني أو يحاول يصرف يعني مثلا..(مادريت أنك بالبيت)...(توقعتك متعشي) ... إلخ
وبعدين كيف أبغاه يحس فيني وهو من زمان على هالحال
وبالنسبة لأبليس ماقدر علي وأنا صغير يقدر علي وانا كبير؟ كانت تجيني افكار خبيثة وأشياء مو كويسة لكني ادحرها وأتعوذ من ابليس
أنت صادق ربك مايخلي عبده المسكين الضعيف على هالحال بإذنه تعالى
الله يجزاك خـــير