مشكور لتحليلك ومو زعلانة ولا احتاج اعتذار ادري أني غلطااانه و

سطحية وساذجة وتافهه و كل الأوصاف السيئه بس مو بيدي غصب عني

أمي ملف ماني قادرة افتحه ولا أقفله .. طفلة بعمر سنتين تركتني و ما عرفت

الا جده ام ابويا و كنت احسبها أمي بعدين رحت عن زوجة ابويا الي رفضتني رفض عنيييف

و عرفت منها أني بنت الهندية و ان أمي موجودة و كنت أتمني أشوفها وتكون لي ام مثل إخواني

كل مرة صوتها وصوت ابويا يطلع عشاني فسمعت ابويا يقول لها أنا غلطت لزواجي من الهندية

وغلطت اكثر وقت أبعدتها عن بنتها ، هنا رسخ بذهني ان أمي غلط ..

طلعني ابويا ببيت بعيد عن زوجته و جلس معي و ما كان عندي الا البشاكير كنت أتمني عندي ام تجلس معي

غير عنهم ، و فجأة تكون أمي مثلهم ؟!!! هذا الي قصدت ..

لما رحت عندها بمبي كنت متشوووقه جدا لها حتي لو كانت هندية ، لكن لقيت ام غير عن الام الي احتاجها

ام تتكلم معي بلغة عربية فصحي و اخوات لا يمكن نتواصل مع بعض بسبب اللغة الا بكلمات انجليزية بسيطة

و بصعوبة ، واخ مراهق اجنبي لا يمكن ابقي معاه لوحدي لأني غررريبة عنه وهو غريب عني وفجأة اجتمعنا وقالوا لنا

إخوان ؟!!! و أمي الي اول مرة أشوفها كانت تساويني فيهم بل حسيت انهم اقرب لها بحكم الجنسية واللغة والعادات

جلست ابكي اول مرة شفتها حضنتني وتسالني : ما بكِ ؟! تكلمت لكن ما فهمت ؟! لأني تكلمت بالعامية ..!

أخواتي جلسوا جنبها و يتكلموا معها ، وكانت تحضنهم كمان ، حسيت وجودي بينهم غلط مو تكبر ولا استحقار

لكن أنا غييييييير وهم غييييير .. نفس احساسي لما اكون عند زوجة ابوي وأولادها هو نفسه حسيته مع أمي وأولادها

قلت لابويا خلاص ما ابغي أمي لأني ما حسيت إحساس انها أمي جلست ابكي واحنا راجعين و ابويا اقرب شخص

لي و قربت منه اكثر بعد ما شفت أمي و جتني مخاوف أني افقد ابويا ..؟!

أمي مو محتاجة لي أبدا و عندها عائلة و ضع مادي جيد ، أنا كنت احتاجها واحن لها لكن كنت أخاف من

تكرار الشعور الي حسيت فيه ، و لما كلمتها بعد طلاقي ورفضت جاني إحساس اكبر بالغربة و انها مو أمي

وان بناتها اقرب لها لو كانت تحتاج لي او تحن لي مثل حنيني لها كان ما فضلت بناتها الي طول عمرها معهم

وانا الي طول عمري بعيدة عنها وما تدري عن وضعي رفضت ؟!! حسيت انها ما تبغاني و ممكن هي بعد تعتقد

أني غلط زي اعتقاد ابويا ..؟!!

__________________
في صدري ضيقة ~~

جعلها في صدر منهو تسبب فيها ~~