السلام عليكم ورحمة الله وبركاته:
والدي الغالي انا قررت ما أكتبلك الا لما أطلع كل اللي في خاطري وجلست أكتب كل شي تصدق اليوم والله أول يوم يمر عليا ما أشرب فيه أي حبه مهدئه أحس نفسي مرتاحه مب عارفه ليش اول مره أحط راسي على المخده وأرقد من غير ما أبكي قبل كنت مستحيل أنام قبل لأصيح أشكرررك وااااايد .
تعرف في مواقف صارت لي قبل وأنا أكتبها البارحه قعدت أسئل نفسي ليش بكيتي يا لجين ليش ما كنتي قويه بس ما عليه .
•حفلة عيد ميلادي وانا في الثانوية كنت متعوده دووم أبوي اللي يرتبها لي ويفاجئني بمكان الحفله وكل شي يخص الحفله الا عيد ميلادي وانا في أول ثانوي أبوي نسى وما ذكر الا نفس اليوم وطلب مني أجلها رفضت وسويت مناحه والله المسكين حط باله يسوي الحفله في البيت وعزم كل شي بسرعه تخييل انا رفضت أنزل ولا حضرت الحفله وأخواني يترجوني وأنا المريضه كنت أقول والله ما أنزل ليش يسويها في البيت وهو جلس يترجاني طبعا هو سوا نفسه انه مب زعلانه .
وأنا أكتب هذا الموقف أحتقرت نفسي ليش كنت أفكر بهذه الطريقه ليش زعلته وكسرت بخاطره جدامهم كلهم تمنيت لو ترجع الاأيام عشان أرضيه .
•مره كنت في بيت أهل ريلي وكنا كلنا قاعدين ريلي طلب مني اجيبله ماي تخييل هو يطلب وانا دموعي تشتغل وعيوني عليهم كلهم وسئل نفسي كيف يطلب مني أنا أجيبله ماي ليش ما يطلب من الخادمه وتهاوشت وياه وقتله انا أبوي كان ممنوع عنده أدخل المطبخ لو عشان ماي طبعا ( هذا كله وأنا أصيح ) في بيتي ما أعرف شي عن المطبخ ولا أدخله ولا هو فكر يطلب مني لانه هو عارف هالشي المهم قعد يقولي أنا ما قصدت تسيرين المطبخ كنت أقصد تيبلي ماي من ثلاجة الحجره طبعا صارت هواشه بينا ودخلت بينا أمه المسكينه وانهت الموضوع.
تندمت على هذا الموقف اللحين لانه كان ما يستاهل اللي سويته .
* قبل زواجي بفتره كنا مره جالسين على الأكل احنا وأبوي وخواني وأمهم المهم أنا طبعاً متعوده هو يأكلني ويلسني عداله حتى وأنا كبيره هذاك اليوم أبوي ماعبرني ولا ناداني وكانوا كلهم يضحكون وانا أصيح ويوم شافني أبوي سألني ما رديت حرمة فهمت وخبرته وهو قام وكلهم يضحكون وقعد عدالي استانست وطالعتهم كلهم .
لحين اسئل نفسي ليش كنت جذي هل أبوي هو سبب اني بهذه الطريقه تعرف ما أحب أبوي يكلم احد إذا أنا موجوده ولا أحبه يتجاهلني مادري شو أقولك .