الله يعينك يا ام زياد
عموما
أنا هنا أخاطبك انتي علشان كذا ماراح احلل المشكله بين الطرفين
لكن بعالج المشكله من ناحية اخطائك رغم اني اعترف ان زوجك اخطائه كبيره والله يعينك عليه
بتكلم في نقاط ومن ناحيتك فقط:
1- انتي ذكرتي ايجابيات زوجك وهذا يعني انك تقدرينه كزوج مقبول وراضيه فيه واتوقع اذا هذي صفاته فقليل من الرجال اللي عنده هذي الصفات يعني زوجك رجل جيد رغم العيوب اللي فيه يعني من خيرة الرجال
2- سلبيات زوجك ذكرتي ثلاثه اثنتان منها بسيطه جدا اللي اهي غير اجتماعي وما يقتنع بتربيتك فخليهم على جنب
لكن كونه عصبي لازم زي ما قلت لك تتأقلمين او تحاولين تعالجينها او تخففينها
3- زوجك اذا عصب حاولي انك ما تردين عليه ابدا يعني الزمي السكوت ولا تقولين حتى الله يهديك ولا جزاك الله خير الا في نفسك ولا حتى تبتسمين لانه يمكن يفهم غلط
4- صدقيني زوجك اذا غضب وعصب اكيد فيه سبب مقنع مهما كان السبب كبير او صغير يعني اكيد فيه منك تصرفات تضايقه واتوقع انتي تعترفين بها والدليل انك دايما تراضينه يعني حاسه بغلطك ومع كذا انتي احسن منه في النقطه هذي
5- مسألة ان ولدك عدواني هذي مسأله كبيره معناها انك مقصره في تربية الولد او كلكم مقصرين ولازم ترجعين للمختصين وتتثقفين كيف تربين ابنك وتعيدين تأهيله لأنه طفل ومسكين ويمكن عدم اتفاقكم على طريقه التربيه اهو السبب ولازم تتحملين تدخل زوجك لأن الكلمه الاخيره له وانتي تحملي وحاولي تتعاملين مع الموقف بسياسه لأن زوجك غلطان بالتدخل
6- صدقيني فيه مشكلتين في حياتكم لازم تلقين لها حل اللي هما الدوام واهلك صدقيني
7- أنتي مأجوره من ناحية تحمل طباعه السيئه ومساعدته الماديه والاحسان لأهله
8- لا تقولين تمنيت اني ما تزوجته لأنه اذا انحلت المشكله بيكون زوجك ممتاز بس مسألة وقت وترى اكثر الرجال كذا فيهم سوء
9- زوجك والله اعلم متضايق من شي ربما زحمة الحياة وظروفها او شي ثاني ويمكن نفسيته تعبانه فلازم تساعدينه في تخطي الوضع هذا انتي اقرب انسان له
10- صراحه انتي في وضع صعب مع زوجك يهين بالكلام والبصق وشد الشعر ويمكن الضرب
الله يعينك الله يعينك الله يعينك
لكن لازم تصبرين صبر جميل وتتحملين وترى مأجوره وحاولي تحلين مشكلتكم عن طريق المختصين
11- أخيرا تذكري رضا رب العالمين ونتيجته انه بيرضا عليكم سبحانه وبيوفقكم لكل خير وبتكونون سعيدين وبدون مشاكل
يعني خليكم متعلقين برب العالمين خليك متعلقه برب العالمين وما راح تواجهين اي شي تندمين عليه
الله يوفقكم ويسعدكم