اقتباس:
المشاركة الأصلية كتبت بواسطة رواء الإيمان
الحاله اللي انت بتعيشها من وحده وألم حالة طبيعيه لازم تعيشها بس لا تعطيها أكبر من حجمها
ومسألة الطلاق لا تستعجل فيها أبداً ومو معنى كلامي إنك تسامحها وتضعف لا طبعاً
الأمور اللي زي كذا يبغالها تريث وشوية صبر قوي قلبك لأنك الآن رب أسرة مو مجرد زوج عايش بعواطفه
معليش أنا مقدرة حالتك النفسية كونك عريس وماكنت تتوقع الأمور تجي عكس
ولكن المؤمن مبتلى وأحيانا يبتلى في فرحته ونقول عسى في الأمر خيرة
قد تكون هذه الزوجة غير صالحة للاستمرار أو قد يكون هذا درس لها لتحافظ عليك وعلى بيتك فيما بعد
الأمور الآن متلابسه ومن الخطأ جدا اتخاذ قرار
اهلك كلهم اجمعوا على طلاقها
طيب فين اهلها اقصد الرجال طبعاً
لازم تجلس مع واحد عاقل من اهلها وتشوف موقف زوجتك من الاتهامات اللي ضدها
اما مسألة مسنجر ورسايل ابدا مو حل انت غيرت كالون الشقه وقفلت جوالك والمفروض كمان تقفل مسنجرك او تحضرها مؤقت الين تتأكد من موقفها .. لأن موقفك الآن تجاهها وتجاه والدتها لازم يكون حازم ..
الله يفرج همك ويصبرك
|
اللهم آمين همي وهمك يارب ويصبرني ويصبرك على كل بلاء في الدنيا
للأسف إني جلست مع واحد من أخوانها بيني وبينوا 5 سنوات وقلي أعتبر الموضوع منتهي وعندي وأخوها الكبير غاسل يدوا والثالث مرررررررة شايل نفسوا منهم أصلاً لا يطقوا زوجتوا لا هوا يطيقهم.........
ثانياً: للأسف ولا أحد فيهم سأل في الموضوع وبالعكس البنت هناك مبسوطه زي ماعرفت وكمان جمعت مع أخواتها وخرجت راحت بيت أختها وجالسه عند أختها في جدة وبالعربي قالبتها فلهـ ووناسة.