لا حول ولا قوه إلا بالله الله يثبتك ..
مادام بنت اخته صدته ..معناته انها في البدايه استظراف لخالها وماتوقعت ان الأمر يصل لكذا .. وكمان توقعي ان بنت اختك بتعلم امها واخواتها .. واحتمال ينتشر خبر زوجك من تحت لتحت ... من اجل الحذر منه !! ..

استغلي هالنقطه وحاولي تغيرين جزء من جرأتهم باللبس قدام محارمهم و الميانه بزياده على بعض بالأحتضان والشيل و ..الخ الى اصلاح للجميع ..

كلمي بنت اخته .. وقولي لها انا دريت بالموضوع واشكريها وثمني موقفها وقولي الشيطان استدرج وان زوجك ابداا ابداا مو عادته ولا عمرك شفتي عليه شيء ولا ولا ...الخ وكبري في احترام زوجك (حاولي تلمين صوره المرايا اللي تكسرت عنه ) ؟! .. حسني صورته الشكوى لله .. وحدي من نشرالأشاعه بينهم بطريقه ايجابيه .. ماتدرين عنها تستر عليه او تحكي تحذر قريناتها منه ... ؟!

وقولي لها ترا اللباس العاري قدام المحارم هو بدايه هالطريق والشيطان شاطر .. انصحيها باللباس بأسلوب هاديء و انتقدي اللباس هذا بينهم بطريقه عقلانيه هاديه .. ..قولي انا وصلت لمرحله اني ودي اتطلق منه (مو تحسبك ساكته وراضيه وعادي عندك ) لكن هذي مداخل الشيطان في التفريق بين الزوجين و نشر الرذيله بين المحارم .. واول خطوه له الجرأه بلباس امام المحارم ... وكأن الأمر كان بحسن نيه منهم وعاده غير مقصوده ..لكن شوفي الأمر لوين وصل ؟... الله يستر عليك وعليه .. وقولي لها انتي عاقله وفاهمه و محترمه و اقدر لك هذا الشيء و خلي لك دور ايجابي مع اخواتك و قريباتك بنصحهم على عدم التمادي في اللبس العاري امام المحارم .. خلينا نصلح الظاهره و نستر على اللي صار .. من ستر على مسلم ستر الله عليه ... واضربي عصفورين بحجر ... الستر على زوجك من نشر الخبر من تحت لتحت + اصلاح تماديهم باللباس امام محارمهم ..