مين اللي قال اننا نحارب التعدد وما نحارب الزنا و الفساد؟؟؟؟؟؟؟؟
لكن انا اللي يغيضني تلقى الواحد مشبك عشرين بنت ويمكن اكثر ومطيح في الاستراحات رقص ودخان وونسة مع اصحابه ولا جا تزوج قال سنة ابغى اقتدي بالرسول عليه الصلاة والسلام يعني ما اقتديت بالرسول لا في لبسك ولا في اسلوبك لكن جات على الزواج تبغى تقتدي فيه ولا في الاخير تلقى اللي يبغى يتزوجها خويته ؟؟؟ الصراحة استغرب من هدي النوعية يعني انت موفي حاجة انك تتزوج طالما البنات حوليك بالهبل اللي نعرفه انه ربنا شرع الزواج عشان الواحد يعف نفسه يعني لو في انسان يخاف الله وعمره ما خان زوجته وحس انه بحاجة امراة ثانية وتزوج هدا عداه العيب ما نقدر نقول عليه شي لانه عف نفسه بالزواج لكن واحد يتعرف ويسوي بلاوي وبعدين يتزوج على حرمته طيب ليش ؟؟؟
ثانيا ادا حاربنا التعدد فالسبب يكون منكم لانكم اولا ما تعدلو ولا قربتو من العدل حتى ولا تزوج الواحد يقعد يتفاخر ويفرد عضلاته انه رجال ومداه مخبي الحبوب تحت المخدة ولا جاب سيرة الاولى قعد يتمسخر عليها انها صارت اكسباير واوقات تلقى الواحد يتزوج عشان يغيض زوجته ....ترى انا ما اتكلم من فراغ وانا اشوف هدا الشي حولي بحكم ان التعدد منتشر في عائلتنا ما ادري ليه؟؟؟؟
ورح ادكر لكم بعض النمادج عندنا:واحد متزوج ثنتين الاولى ساكنة مع امه وابوه في بلد خارج السعودية وزوجته الثانية معاه بنفس البلد ويصرف عليها بالالوف واخر دلع والاولى مسكينة تشوف الفلوس بالحسرة على الرغم ان الاولى مسكينة وست بيت والثانية برضه ست بيت لكن متسلطة ولسانها متبري منها وعارف ايش السبب>>>> عشان الاولى موحلوة و قروية اما الثانية جميييييييييلة ومرة انيقة ولا تقول اني منحازة مع الاولى لانها يمكن تقرب لي لا والله قريبتي هي زوجته الثانية
واحد ثاني عمره في الخمسين وتزوج شابة ويفرق في المعاملة وظالم لدرجة لا تحتمل لدرجة انه زوجته الاولى هجرها في الفراش والحجة ان هدي شباب وابغى ادلعها عشان ما تحس بالنقص انها متزوجة واحد عجوز <<<< عن جد شرالبلية ما يضحك
ادري طولت بس لان الموضوع هدا يستفزني وخلاصة الكلام ادا كان الزوج طيب ويخاف الله وعمره ما قرب للحرام وعادل يتزوج موبس ثنتين يتزوج اربع والله يوفقه