لو كانت المشكلة عندك فرق السن بس كانت هتكون محلولة.
لأن أنا فى نفس سنك وخطيبى أكبر منى بعامين فقط .!!! وكنت طول عمرى بقول أنا عاوزة أتجوز واحد أكبر منى بعشر سنين على الأقل لكن لما قابلت خطيبى ! ضاعت العشر سنين فى لحظة لما لقيت فيه تفاهم و تقارب فى التفكير و ذكريات مشتركة وشخصية متزنة وعاقلة .( رغم إن أنا كنت فاكرة نفسى أعقل من أى حد و أكبر من سنى بكتييييييييييير)
لكن المشكلة اللى عندك إنك بتقارنى بينه وبين خطيبك السابق
علشان كده لازم تعرفى إن 6 سنوات دا فرق طبيعى جدا - إن لم يكن هو المناسب- والغير طبيعى إن الفرق يكون 21 سنة .
شيلى خطيبك السابق من تفكيرك وبلاش مقارنة تصرفات وكلام علشان تقدرى تشوفى خطيبك على حقيقته .
لأن المقارنة حتى لو كانت لصالح الخطيب الحالى فهى دليل على عدم الإقتناع.
["إستخيرى ربنا وتوكلى عليه ( وعيشى حلاوة عمرك سنة بسنة ) مع الزوج المناسب .