بحكم انشغاله ماكان في وقت بيننا عشان يسير فيه نقاش لما يرجع من الدوام انا اكون مشغوله بترتيب الغدا له وبعدها يتغدا ياخد قيلوله ادا في وقت وادا مافي راح للدوام
ولو بكلمو في اي موضوع يقولي انا جيت ابغا ارتاح

مافي وقت يكون بينا لتوضيح الامور غير برسايل عالجوال ارسلو بس مادري مايرد عليا الا بردود سيءه
مع اني اتقبل النقد واحب اغير من نفسي ادا قالي انو الشي الي تسويه غلط
بس مايقول دايما اسالو حبيبي ادا في شي مضايقك مني ولا تصرف تصرفتو ماعجبك وضحلي لاتشيل بخاطرك يقولي مافي شي بالعكس مرتاح معاكي
بس ادا عصب يطلع كل شي في بالو من عهد الجاهليه الى الان وانتي ماسويتي وانتي تغصبيني على اشياء ماحبها وانتي الخ مابغا اكدر خاطري بكلامو ويقول كلام يجرح
وبعدها انا اتضايق واشيل بخاطري يجي البيت ماكان سار شي يجي يكلمني مارد علي يقولي بكيفك وينام ويخليني طيب مافي اعتدار مافي اسف
وعلى البيت ياليت ناوي عالاقل بنبسط يقولي لاتفكري انا البيت عاجبني كدا مو عاجبك روحي لبيت اهلك راتبيه يعطيني منو مبلغ بسيط والباقي يجمعو في اشياء مادري وين تروح ولا يقولي اش بيسوي يخطط مع نفسه وانا مادري الا من الناس انو بيسوي شي قهر اقرب وحده له ابعد وحده له بنفس الوقت

ممم موضوع التجسس انا غلط في غلط ادري بس مادري شي فيني ينغزني يعني اشوف زوجي بعيد عني وحياتنا اتغيرت احس في شي غلط مادري وين
من فتره ارسلي رساله جوال رهومتي فينك ماتردين مشتاق اقعد معاك ولو خمس دقايق بس ارسلت له ميين رهومتي قال لاوربي قصدي انتي بس غلطت بالاسم مادري مادخل بالي ردو
ومره باليل جيت ابغا اشوف الساعه كان جوالو تحت المخده فتحت الا رساله باسم بنت مادري كيف ماقدر اشك فيه صعبب حيل قالي وربي هيا مخزنه رقمي وترسلي حتى ادا تبغي افتح لك الاسماء وتشوفي قلت لا مابغا الاسماء مو علي دا الكلام افتح برامج الدردشه عندك قالي شوفي لو تنطين مافتح لك تبغيت الاسماء بفتح لك غيرو لاا هوا عندو ايفون وعليه رقم سري وهدا الي زاد الشك اكثر فيني ماقدر ماشك فيه غصبب وربيي