تكملة الفضفضة …
طبعا بعد الزواج … تدرون وش أكبر شيء أنصدمت منه … أكتشفت أنها زعلانه علي أبوها … و تكلمت معاها و قلت ليش … قالت ما كان بيبي يزوجني منك كان يبي يزوجني ولد عمي … قلت أنا طيب أبوك كان حريص أنه يزوجك من ولد عمك لانه خايف عليك ويبي لك الخير وجالس أقنع فيها أن الي كان يقوله أبوها مو غلط … المهم كانت كل يوم تكلم أمها بالجوال و أخواتها برضه … ولكن أبوها ما تتصل عليه لين أنا أقول كلمي أبوك … و أحرجها أقول أنا أبي أكلم عمي … و أحيانا عمي يروح للكباين يدق عليها الجوال … و كنت مرة متضايق من وضعها مع أبوها … أنا أبوي سوي عملية مرارة وما دريت عنه إلا بعد العملية بكيت وبكيت وبكيت وكنت مرة حزين … وهي صراحة ما ادري وش اقول عنها تقول قلبي قسي علي أبوي !!!! أنا ما ادري وش أقول عنها ……*
مرة من المرات كانت تقول زميلتي هدي إذا ما تزوجت أنا أبيك تتزوحها … كنت أنا أضحك … و أقول خلي عنك الهرج الفاضي … المهم تقول انها من منقطة س وتسب أبوها وتقول عنه أنه عصبي و متحجر و و و و وفي الحقيقة أكتشفت بعد سنه قصة صاحبتها هدي كانت من نفس القبيلة … وكانت مخطوبة ولكن زوجها بعد مدري كم سنة سحب عليها و عرفت ان قصتها محزنه … وكل هذا عرفته بعد سنة … وكانت تعطيني عنها معلومات خطأ ليش ما أدري ؟؟؟؟؟
حصلت في جوالها رسلة بعد المشكلة … و هذه الرسالة مكتوب فيها " من هدي " صاروا يعيروني و يقولون العجوز ....
" الرد من منيرة " عليهم لعنه الله … طلعي علي كل واحد منهم عيرة "اسم سبه " و نادية بها وراح يحطون في فمهم .... مايحتاج أكتب الكلمة الاخيرة بالرسالة أتوقع فهمتواها
ومرة ثانية حصلت رسالة من صديقتها تقول يامنيرة أنت متضايقة من فترة وأنا حاسة فيك وما حبيت أسألك علشان ما أحرجك ومن زمان كنت أبي أسألك لكن الحين أبيك تقولين لي و ش الي فيك ؟؟؟؟
يوم طلبتني أوديها لصديقة توها تعرفت عليها … المهم لما وديتها دقيت السماعة أبي أتأكد من البيت … خويتها ردت بالإنجليزي و تعيد وترد بالكلام … المهم زوجتي كانت بتنفجر منها لان حركتها ماهي زينة … المهم بعد الجمعة رحت أخذتها من الجلسة ولما وصلنا البيت … كانت زعلانة لاني ما نزلت أخذتها من المجمع و خويتها نزلت معها إلين باب المجمع و كانت الحرمة الي نزلت معها عينها طويلة جالسة تناظر فيني المهم أنفتح نقاش بالبيت فقالت لي زوجتي خويك الي ساكن بالمجمع فلان هل راسة كله شيب ؟؟؟ أنا قلت و كيف عرفتي سكتت المهم أنا رفعت صوتي اقول جاوبي ورفضت أنا أنقهرت وصرت معصب وليش ساكته وارفع صوتي جاوبي قالت لا مافيه شيء أنا حست إني بأذبحها ورفضت تجاوب و لو إني ما مسكت أعصابي كان ذبحتها … وبعدين قالت ان الحريم تكلموا عنه في الجلسة لكن أنا ألين الحين ما أدري ليش جابت السالفة و لا أدري عن نيتها ولكني منعتها تروح لهذي الحرمة مرة ثانية ……
مرة من المرات كنا نبي نروح للسوق سوبر ماركت … ولما وصلنا المواقف … حبت تكلم بالجوال قالت لي روح و قض الأغراض و أنا بأكلم من السيارة قلت أوكي … نزلت السوق وقضيت الطلبات و زودت بعض الأغراض … ولما رجعت كانت زعلانه و تقول إنك تأخرت و زودت في الأغراض علشان الحريم الي دخلوا لابسين قصير … يعني ما فيه أمل لازم متهم متهم سواء معي ولا ماهي معاي ……
ولا زال البحث جااااااري عن المواقف و الأحداث لأعود و أكتبها ……
التعديل الأخير تم بواسطة حياة افضل ; 25-06-2011 الساعة 07:20 PM