اخ الراقي
بغض النظر عن الشي الي طلبته منك زوجتك .. في درس تعلمته بالحياة
اتمنى تتعلمه مثلي .. يحصل دايم ان الناس تطلب منا نسوي اشياء ماحنا مقتنعين
فيها ونرفض نسويها .. ولكن الرفض ردة فعل سلبية ما تخدم علاقتنا بهالناس ابدا
ليش ؟ لان الاشياء الي حنا مو مقتنعين فيها .. ممكن تكون انطلبت منا مرة وحدة بس
وممكن تكون مافيها اي ضرر مادي او معنوي لنا .. بس مو مقتنعين فيها
اسالك : هل من الحكمة اني ارفض اسوي شي مطلوب مني مرة واحدة
بس لاني ماني مقتنع فيه ؟؟
بسهل عليك الجواب .. لو رفضت تسوي هالشي ربحك بيكون : ارضائك
لقناعتك .. خسارتك بتكون : تغير مكانتك عند غيرك لانك رفضت تسوي
لو شي واحد عشانهم ولمرة واحدة .. وهذي غلطة سهل تنمسك عليك
بالمقابل لو سويت هالشي الي مانت مقتنع فيه .. ربحك بيكون : تكبر
بعيون غيرك لانك قدمت تضحية تدل على مرونتك وبيكون موقفك قوي
خسارتك : ولا شي..
انك تتصرف وفقا بقناعاتك شي مو غلط .. لكن الغلط انك تصر
على قناعاتك بكل شي وابسط شي .. حتى لو شي يتسوى مرة وحدة
خصوصا : اننا في الحياة لم نخلق لكي نتبع قناعاتنا فقط ..وان احد طرق
التكيف الايجابي مع اختلافاتنا مع الاخرين هو - التنازل عن القناعات الشخصية
انت الان بفترة ملكة .. فرصتك الي تقدر تستغلها عشان تثبت لزوجتك
مرونتك وتفهمك .. وعشان تكون حافز لها هي ايضا انها تكون مرنة وتترك
قناعاتها على جنب بامور معينة ( مستقبلا ) .. عشان ترضيك ..
دمت بود
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 22-06-2011 الساعة 05:47 PM