يابنت اسمعي كلام الأعضـــاء والله كلامهم صحيح وخصوصاَ الذكور منهم لأنهم أدرى ببني جنسهم
أذكر مرة سمعت لتائب كان له علاقات وإلى آخره ، بمعنى كلامه قال أن 99% ( وحلف بالله ) إن كل اللي يكلمون بنات سواء على شات أو جوال أو بأي وسيلة غير شرعية فـ نيته سوداء ولا ناوي ينهيها بطريقة إيجابية أبــــداً !
وأنا أصدقــه وأصدق كل الردود المكتوبة هنا ، لأن كل روايات هالشباب اللي يلعبون على البنات وحدة !!!
ليه مافيه ولا واحد منهم يقدر يتزوج ويخطب طبيعي بدون مايكون فيه مشاكل أو عقبات توقف في طريقه ؟!!
مافكرتي بهالشيء ؟!
صدقيني مافيه أحد يحب كذا على الطاير وبالنسبة للرجال يهمه المظهر .... والعمر ... نقطة مطلوبة جداً !! فلابد إنه يعرف أشياء عن صفاتك الخلقية حتى يتقدم فعلاً ويعيش حياة مستقرة معك
لكن بدون أي معلومات كيف تبينه يتقدم لك بحب ؟!! لا تنخدعين بكـــــــــلامه فهو مجرد كلام .... والكلمات لعبـــة بيدي وبيدك وبيد أي أحد أتحكم فيها مثل ما أبي واسطر لك كـــلام مو شرط كله غزل وحب بل فيه توازن ... بحيث ما أبين لك إني ألعب عليك او استدرجك ...
توووبي ولا تقنعين نفسك إنك عاقلة !!... كلنا تجينا حالات نضعف فيها ... ولابد ولابد من تعجيل التوبة !!.. يمكنها خيرة إنك كتبتي استشارتك هنــا وتنبيه لك من ربي لأن كل الأعضاء اعترضوا عليه ..... عجلي توبتك واقطعي صلتك فيه بما إنك لسا على البرر ...
وهو كله طالع من شاشة قدامك يعني لا هو بيجي لبيتك يسألك ليه ما تدخلين ولا شي .... من لحظة ما تقطعين كل صلتك فيه إن شاءالله بينتهي كل شيء ... اتركيه لله واخلصي له .. وادعيه سبحانه إنه يعوضك بالشاب الأنسب لك ويوافقك جميع رغباتك ... ليش لا والله سبحانه كريـــم ؟؟؟
الله يسترر عليك ويوفقك ويهديييك ونسمع بخبر زواجك من اللي يستاهلك وتستاهلينه