أخ أحمد..
أنا حبيت زوجي بسبب طيبته وحنانه..وكل شي ابيه يقولي حاضر..واذا كان شي غالي اقله ترى غالي..يقولي الغالي يرخص لك.ودايما يجلس معي في البيت مايخرج كثير.أسرني بطيبته..
أخ احمد ليش تحط سبب سلوك زوجتك السي هو طيبتك.ليش تقطع عهد انك ماراح تجلس في البيت كثير في حال تزوجت من جديد وتكثر من الخرجات ..طيب يمكن زوجتك الجديده تكون من الزوجات الي يستاهلون انك تجلس في البيت جنبها..والزوجه تبان منذ الوهله الاولى ان كانت طيبه او نذله..
أخ أحمد صدقني حتى لوكنت حازم وشديد زوجتك راح يكون تعاملها معك بنفس الطريقه ويمكن اسوأبعد.. لكن الفرق انه حياتها معك تكون قصيره جدا.. انت عشانك صبور وولد ناس صبرت عليها سنه..هي طبعها كذا..مستحيل رجل يغيره مهما كان حازم أو طيب..
أخ احمد زوجتك من الناس النكديين والي نفوسهم شينه ومايتعاشرون و لاتستغرب ترى فيه ناس كثير كذا..ومثل مافيه ناس سيئن صدقني فيه ناس بتنحط على الجرح يطيب..ومثا مافيه حريم غبيات مايقدرون الحياه الزوجيه ولا يراعون مشاعر الغير فيه كثير حريم رائعات بكل ماتعنيه الكلمه ويستاهلون الحب والحنان والتضحيه..
واستغرب من الي يعلقون كل سلوك سيء على المس او سحر او حسد..وينسون ان الله خلق الناس اجناس منهم الطيب ومنهم السيء..وللاسف يااخ احمد لقد أسأت الاختيار..
زوجتك شكها مو لانها تغار عليك لا...هي تبي تهينك وتجرحك وتشكك في نفسك وتعاملك كأنك انسان قذر وهي قصدها تربيك..
وبخصوص سؤالكم عنها..قبل الزواج.واكدوا لكم انها من خيرة البنات..يااخ احمد البنت تعاملها مع الناس غير ..والله اعرف كثير حريم تعاملهم مع الناس راقي جدا لكن فاشلات في التعامل مع الزوج. وفاشلات في تحمل المسؤليات...والدليل انه فيه وطبيبات متزوجات من اطباء واستاذات في الجامعه متزوجات من اساتذه لم ينجحوا في حياتهم الزوجيه ربما احد الاطراف فاشل في التعامل مع الطرف الثاني.
اخي احمد...ان بعد العسر يسرا....ودوام الحال من المحال...وبكره بيكون حالك افضل واحسن من اي وقت مضى..
وكم تمنيت ان تترك كل شي ورائك...وترجع الى بلدك...وتكمل دراستك وسط اهلك وناسك...ويمكن الدراسه هنا افضل بكثير من هناك
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 22-06-2011 الساعة 03:45 AM