أختي الكريمة إحترت بإسمي زوجك متعلق في بنته كثير وخايف لاسمح الله يصير لها شئ والظاهر إن زوجك حصل له موقف وفقد فيه أحد أقربائه وهو مازال صغيرا وكان ذلك بسبب إهمال حصل له أو يمكن إنه من النو ع إللي يخاف من الحوادث التي تحصل للأطفال وهما صغار بسبب الإهمال وسبب ضربه لك لأنه خايف لايصير منك إهمال لقدر الله ويخسر بنته ويمكن إنه يشوفك في وجهة نظره غير مبالية وغير مهتمه في رعاية الطفلة ويضربك قصده ينبهك بس طريقته بالضرب خطأ يمكن إن الزوجة تصبر وتبلعها وتسامح لو إنضربت لحالها وهي في بيتها أما إنه يمد إيده عليك قدام أهله فهاذي صعبه شويه وين إحترام حقوق الزوجة المفروض مايمد إيده عليك وأنتي عند أهله
إذا مدها قدام أهله مو بعيده بكره يمدها قدام الناس ومعليش يا أختي أنتي أعطيتيه مجال يتمادى ويمد إيده ويرجع يراضيك بالفلوس وتسكتي له ليش ترضين بهاذي الطريقه خلاص هو تعود كل ماضربك راح أعطاك فلوس وترضين وإلا ذاك الوقت أول مايضربك قولي له هاذي المرة بسامح وأتجاوز عنك لاكن المرة الجاية برو ح لأهلي ولو عرفت قيمتي ذاك الساع تعال خلنا نتفاهم أنا ما ني بنتك تمد إيدك بالطالع والنازل وكأني ماتربيت في بيت أهلي تضرب حتى على أشياء تافهة لازم يكون لك موقف جاد من تعامل زوجك معاك وإلا ترى يمكن بكرة ينكسر كاس بالمطبخ دخل لك بالعقال ترى
بعض الأزواج يضارب زوجته كأنها رجل مثله ويحسب إنه لوضربها يعقلها ويربيها وكأنها ناقصه تربية بعض الأزواج ما عندهم إحترام لزوجاتهم ولا تقدير إذا أي أحد تحركش فيه بالشار ع يدخل يحط حرته في زوجته وكأنها هي من تحركشت فيه إنتبهي لنفسك وصحتك والضرب ماتنضرب الحرمه إلا على شئ يستحق وزيادة ضرب غير مبر ح أما هاذا يعطيك كفوف ليش وين حنا عايشين لو فقع عينك ولا كسر خشمك وش بتسوين ولا طيح سنونك إسمعي مادام إن عندك أهل خلي أهلك يوقفونه عند حده ولا تطول وهي قصيرة.

وإسمعي إذا أنتي فيك خلل أو إهمال من قل معرفه في رعاية طفلتك فحاولي إنك تتعلمين وتصلحين سلبياتك إذا عندك سلبيات وأهتمي في بنتك قدامه وحافظي عليها رضعيها أول بأول وغيري لها الغيارات والملابس بأوقاتها حاولي وقت وجوده في البيت تنوميها علشان ماتجلس تصيح قدامه إبعدي عنها الأشياء الخطيرة مثل الملاعق والسكاكين والأوراق علشان ماتحطها بفمها وكمان إبعدي عنها الأكلات والبسكويتات إللي قوية وتمسك بفم الطفل أو حلقه وتخليه يختنق ويستفر غ إنتبهي منها زين
وربنا يوفقك ويسعدك ويخلي لك بنوتك الصغيره يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله