حبيبة قلبي بيتا كان ودي أشارك بموضوعك من أول ماطرحتيه لاكن إنشغلت ببعض الأمور ونسأل الله بأن لايشغلنا إلا بطاعته المهم ياقلبي الإخوة والأخوات ماقصروا كفوا ووفوا بمشاركاتهم الله يجزاهم خير
و أنا دخلت لموضوعك علشان أقول لك ياغاليتي إصبري وأجرك على الله شوفي كم سنة لكم متزوجين وعايشين مع بعض وكنتي صابره ومحتسبه في أمرك مع زوجك والحين بعد هالعمر كله تطلبين الطلاق من زوجك هاذا مايصير يا أختي أنتي فكري بالعقل أولا زوجك إنسان مريض ويقول لك أشياء هو بنفسه غير مقتنع فيها وصدقيني إنه هو في داخله متضايق و يحس بالندم كل ماقال لك كلام جار ح وبدليل إنه يتعب ويمرض بعد ما يتكلم عليك لأنه مو راضي عن الشئ إللي يقوله لك وإلا لما بحث عن العلاج ولو كان مقتنع بما يقوله كان قد حدث بينكم الطلاق من زمان لاكن زوجك عنده مرض وفيه طبع مايقدر يغيره المرض هو الشك وسؤ الظن والطبع هو الكبرياء يعني إذا أخطأ مايحب يعتذر ويعترف بخطئه يشوف إن الإعتراف بالخطأ والإعتذار يقللان من قيمته وقدره عندك فيحاول يصالحك بس بطرق أخرى غير الطرق المباشرة أنتي الحين بعد هالعمر ماعندك إلا إنك تصبري وتحتسبي وترتجي أجرك وثوابك من عند رب العباد أنتي ماشاء الله عليك إنسانة حكيمة وعاقلة وقوية بإيمانها بربها ووا ثقة من نفسها فأرجوك لاتتركين كلام زوجك يأثر في نفسيتك ويحسسك الشيطان بأنك إنسانة ضعيفه وبلا شخصية و يسبب لك يأس وإحباط ترى الرجل مريض ولا يتواخذ بما يقوله لك وأنتي إنسانة صبورة وإلا كان ماصبرتي هالعمر كله على كلامه إللي يقوله لك فأرجوك ياغاليتي إصبري وإستعيني بالله عز وجل وأشتري سعادة و راحة الآخرة بتعب وشقاء الدنيا
وربنا يكتب لك الأجر والثواب بإذنه تعالى .
وأسأل الله عز وجل بأن يصلح لك زوجك و يشفيه ويرفع عنه مابلاه وما أصابه من مرض وأسأل الله بأن يجعلك لزوجك قرة عينيه ويارب ماتسمعين منه إلا ماتحبين ولاتشوفين منه إلا ماترغبين ولايعمل إلا ما تشائين وأسأل الله بفضله ومنه وكرمه أن يوفقكم و يسعدكم
ويجعل المحبة و الألفة والرحمة والمودة تسكن في قلبوبكم ويسخركم لبعضكم وربنا يصرف عنكم كل سؤ وشر
ويحفظكم بحفظه ورعايته
اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله