عصير بـ 12 ريال
واسكريم بـ 12 ريال
يا خوي أنت في السعودية و لا حاط فرق العمله بالنسبة لبلدكم
إذا أنت في السعودية
و الله العظيم شيء غير منطقي وغير طبيعي
العصير الطازج كان بـ 5 ريال
و الإيسكريم الوسط بـ 8 ريال
وش طير الدنيا كذا
لا حول و لا قوة إلا بالله
لا و ما يقهر أكثر غير المطاعم الي ديكور و ياشين طعم أكلهم
أذكر أول مرة أروح مطعم كشخه عزمني فيه صديق
فقريت المنيو ما عرفت منها غير ( كبسه لحم )
و شد إنتباهي أسم ( أومليت + فرانش فرايز ) فحبيت أبهر صاحبي و أبين له إني كول و شايف خير
و قلت للقرصون قف مي ( أومليت + فرنش فرايز ) و السعر قدامه 35 ريال
و يوم جاب الطلب إلا و هي ( بيض و بطاطس )
فقلت أقسم بالله ما أكلها و لا تدفع حسابها
يا رجال بيض و بطاطس في كفتيرا أبو الكلام ( و الله أسمه كذا ) إذا طقتها الحمى أربعه ريال
شيء يقهر و الله
بس عشان أبر بقسمي و نخرج من الإحراج دفعت الحساب أنا و لا أكلت الطلب و أخذته سفري و اعطيته بنقالي