اسمحيلي عزيزتي مهرة بآخذ مساحة في موضوعك
اللي أفكر فيه كيف نخفف من تفكير الطفل بالحرمان بسبب الموت لأنه يفهم معني الفقد
يعني بنتي إن شاء الله إنها استوعبت انه في جنه حلوه وفيها اللي نبغى وبنشوف الله
ولازم إننا نسوي أشياء حلوه ربي يكتب لنا حسنات وندخل الجنة
بس مشكلتها في الحرمان
مثل ما قلت في ردي الأول وبوضح زيادة
لين مات حيوانها تسألني بشوفه في الجنه قلت إن شاء الله
وترجع تصيح وأقولها هو في الجنة ومستانس
فصارت تقول انه الحين هو سعيد ومبسوط وشاف الله بس انا حزينه وأشتاق له
وهو ينتظرني وانا أنتظره - سوت لي فلم هندي -
تقصد متى تموت هي وتروح الجنة الجميلة وتشوفه
فالمشكلة هي الحرمان والشوق يعني إحنا الكبار ما نتحمل لو تخيلنا كذا
بس قدرتنا على الاستيعاب والفهم أكبر بطبيعة الحال
هل فعلا إذا شرحنا لهم عن وجود حياتين أو انهم يدعون لنا دايما كفيل يحسسهم بالأمان وهم في هذا العمر
خصوصا إذا كانو حساسين ويفكرون بطريقة سلطان الله يحفظه - أخاف تموتين وتخليني -
لأني حسيت ما خفف عنها الكثير وقت أواسيها بحيوانها
ما نقدر نلف وندور ونكذب بل نتحرى الصدق أفضل لهم ولنا
ويحتاجون يحسون بالأمان وإن سندهم والصدر الحنون بيكون موجود جنبهم دايما
الحمد لله بنتي ماعادت تسأل حاليا متى بتموتين ولا شيء لكن ما أستبعد مثل هذه الواضيع تنفتح في أي لحظة
كانت تأزمني لين تسألني عن الموت
الله يعين الجميع
شكرا لك مهرة وآسفة أخذت راحتي بموضوعك