اقتباس:
المشاركة الأصلية كتبت بواسطة مشروع منتحر
الله لايحرمكم اجر المشوره .ورب محمد اني في حاله يرثى لها من كثر التفكير وصعوبة اتخاذ القرار والشكوك والتساؤل ليش عملت كذا ونا كنت الزوج المثالي لها وحبي لها مضرب مثل عند اقاربنا واكثر شي بيجنني ليش سوت علاقه محرمه رغم دلالي لها ومع اني لم افكر في اي علاقه محرمه واخاف الله رغم كل المغريات فانا لايمكن اخونها لاني احبها والمشكله الكبرى ان لنا موعد في احد المستشفيات للانجاب .واليوم قلت لها خلاص حنا انتهينا انهيتي حياتي وحياتك ودمرتينا وبدات بالبكاء الشديد وقالت لي ارجوك انا تغيرت خلاص كرهت نفسي وربي ماني مصدقه اني سويت كل هذا تكفى سامحني ولاتنسى تضحياتي وذا ناوي تطلقني خل الطلاق بعد مراجعتنا (اطفال انابيب)يمكن الله يرزقنا ارجوك انا عارفه اني مااستاهلك وربي كرهت الحياه .انتهى كلامها وقلت افكر واشوف والمشكله صرت اتذكر الصور اللي ارسلتها واقول خلاص وربي ماتجلس عندي واحيانا ارحمها واقول نزوه واليوم جتني قالت حياتي عندي رقم جوال ثاني للشخص اللي كان يكلمني وقالت بكلمه ونت تسمع وبطرده من حياتي الله لايوفقه على اللي سببه لي .قلت لها لاتكلمينه لين افكر واردلك خبر..وهي الان تحاول ترضيني وتسعدني وتقول والله لاعوضك ياعمري بس ارجوك لاتطلقني واللي حصل قربنا من بعض اكثر وقالت خلنا ناخذ عمره ونحاول ننسى.ونا اقول في نفسي والله لاموت ونا مانسيت كيف تجرات وارسلت صورها شبه الخليعه وماخافت ربها ولاحفضت شرفي ودنسته بصبر لحد ماننتهي من المراجعه وبعدها بقررومن دون شعور مسكت جهازها البلاك بيري وكسرته وقلت لها انتي اوسخ من الزباله ياحقيره وضربتها كف يسمعه اللي باخر الشارع وطلعت من البيت ونا في حالة غضب ودخلت في نوبة بكاء شديد مثل الطفل وهي تتصل بي وتقول وربي مااتركك ونت في الحاله هذي ارجع ارجوك ورجعت للبيت وضمتني وبكيت على صدرها مثل الكفل واقولها ليش سويتي بي كذا ؟ليش ؟ليش وش قصرت عليكي فيه ونتي تعرفين اني اموت فيك ليش ؟.ياربي تصبرني يارب..يارب .وهي تقول اول واخر غلطه انا غبيه ..غبيه سامحني تكفى.
ياعالم وش اسوي حتى في العمل بس افكر ولاني مع الناس العالم تضحك من حولي ونا سرحان وتايه بعد ماكنت صاحب نكته وخفة دم صارت الدمعه في محجر عيوني .ارجوكم وربي الحين دمعتي على الكيبورد .بس ابكي ..بس ابكي ..وربي ابكي .
|
يا أخي
أي رجل في الدنيا عنده ذرة كرامة ينهي علاقته بمثل هذه المرأة !
ماذا تنتظر ؟!
خانتك دون سبب
معناه هذا شيء متوقع فلا مؤثر يزول بزواله الأثر !!
كيف تأمنها على تربية أولادك ؟
كيف تطيق تعاشرها أصلا ؟
و تبكي على صدرها ؟ و عندها جوال ثاني له بعد ؟!!!
هذي دوامه بتهلك فيها
انج بنفسك
و ابدأ حياة نظيفة من جديد
بتقعد معها في عذاب لين تموت
كل ما جا طاري خيانة تذكرت
كل ما قالت لك حبيبي و إلا عمري و إلا حياتي
بتهوجس : يمكن قالتها له بعد
فيه خطوط حمرا الواحد ما يقوى يتجاوزها
أي خطأ دون الخيانة يغتفر
أما تمسكها الهيئة مع رجال غريب و صور خليعة و مكالمات لمدة سنة و إنت تشاور فيها ؟!!!!!!!!!!!!!!
سبحان الله
الحمد لله الذي عافانا مما ابتلاها به و فضلنا على كثير من خلقه تفضيلا
ثم الأخوات الي يوازنون بين خيانة الرجل و المرأة أقول لهم :
صحيح الشرع ما فرق بين حد المحصن ذكر كان أو أنثى
و المرء في حل من إقامة الحد ما لم يبلغ الحاكم
لكن فيه نقطة مهمة :
السالفة مو سالفة تستر على الرجل من باب إنه شايل عيبه . . . لا
الشغلة نفسية يا جماعة
الرجل ممكن يتزوج أربع بوقت واحد و يعاشر أربع تكوينه النفسي يؤهله لكذا لكن المرأة لا
من تتزوج بواحد و تفكر - تفكير بس - بغيره تعتبر ساقطة و انتهينا
المرأة وصفت بأنها حافظة للغيب بما حفظ الله
و من حقوق زوجها ألا تدخل بيته من لا يرضاه فكيف تمنح نفسها و جسدها بالحرام لمن لا يرضاه الله ؟!!!!
المرأة ممكن تنسب للرجل ولد يصرف عليه و يربيه من غير صلبه !
خيانة المرأة فساد أمة > ببساطة
أين دينها أين حياؤها أين تربيتها لما خانت ؟!!!!!!
ألا تتأملون لم أمرت الزوجة بطاعة زوجها و الاستجابة له و لو كانت على التنور ؟
الرجل قد ينساق للمعصية بحكم غريزته و اندفاعه أسرع من المرأة
أما المرأة فلم يؤمر زوجها بإجابتها كلما طلبت ، بل قرر الفاروق بأن المرأة قد تصبر عن زوجها 4 أشهر !
انظروا للمرأة حال الطلاق و الترمل تعتد لأسباب نفسية و جسدية
و لا يؤمر الزوج بمثل ذلك
خيانة الزوج لا تعدل خيانة المرأة بحال أبدا
و لا يحتج بالمساواة في الحد
فهناك أمور معروفة عرفا تصبح كالمشروعة شرعا
أسأل الله لنا و لكم الهداية