حبيبتي هيا ..

أنا بأذبحك ..

رد ( سيدة الموقف ) اللي من جد أعزها و احترمها و هي من جد ( سيدة المواااااقف ) ..
أحسه ( كافي و وافي ) .. ماشاء الله قالت و وضحت كل شئ .. ^_^

و إنت يا هيا ،.
لك معزة و محبة و ماشاء الله من يوم ما سجلتي معنا و نحن حبيناك ^_^

بس ترى ما أعرف أزعل و لا أحقد و لا أشيل بقلبي ..
شوفيني حتى ، جيت و سألت على طول .. لإنه كمان جاني فضول أعرف إيش وجهة نظرك المعارضة لرأيي
و الشئ هذا ما يزعل أبدا ..

.
.

مع العلم ، بإنه مشكلة الأخ حياة أفضل ،.
نحن تابعناها معاه من البداية ،، و لو تشوفي الفرق بين حالته دحين و حالته في البداية ..
من جد فرق كبير ( و الحمد لله ) ..

و ما أخبي عليك ، إني مريت بنفس الحالة النفسية و المدمرة اللي ( مرّ ) بها أخونا الفاضل ،
و في أول سنتين تغربت بها .. و ما ارتحت و ما تغيرت للأفضل ، غير يوم ( تكلمت و فضفضت بالكتابة )

و أنا متأكدة ، بإنك إذا قريتي كل مواضيعه و ردوده و ردود الأعضاء ..
بتتغير نظرتك تماماً ..

.
.

أما من ناحية التربية و البيئة ، فأنا علّقت عليهم ..
لإن زوجته تتلفظ بالألفاظ الجريئة هذه و بدون ( حياء ) و من بداية زواجهم ..
و معروف عن ( الفتاة ) كيف الخجل يكون مرافق لها و خاصة الأشهر الأولى لها في بداية الزواج ..
و إن كانت شخصيتها هي مختلفة ..

بس برضو ، الألفاظ و الأفكار و الكلمات و التعامل اللي هي بتتعامل به ..
يبين بشكل عام ( من أي بيئة ) خرجت منها ..

و لا ننسى إنه هناك فرق بين تربية البنت و الولد و خاصة في مجتمعاتنا ،،
الولد أغلب وقته مع أصحابه و في الشارع و تلقيه يتعلم سلوكيات غلط ، فما نقدر نحاسب أهله ..

و البنت مرات ممكن تتعرف على بنات سيئات و أهلها ما يدروا و تتعلم منهم ( سلوكيات ) غلط ..
و ما نقدر نلقي اللوم عالأهل ..


لكن زوجة أخونا ، عندها ( ألفاظ ) تحسيها - متعودة عليهم - و تقولها بدون خجل ..
و تتعامل بقسوة و أنانية و غرور معه ..

و لو هي غير مدركة لأغلاطها ، ما كانت قالت ( أحمد اتغير و أهله غيروه ) ..

و الحقيقة ،.
إنها بدأت تنتبه إلى إنه زوجها ( بدأ يصحى من غفوة الحب و العشق و الهيام ،، و بدأ يشوف كل شئ بعين عقله لا بقلبه )

و بدل ما تعترف بأغلاطها ..
بدأت تلقي باللوم على أهله - البريئين - من أي تدخل في حياتهم ..
و اللي هي خربته و هدمته بيدينها و بقلة العقل و الدين و للأسف ( التربية ) كذلك ..

.
.

و اعتذر للمقاطعة و المداخلة أخوي ( حياة أفضل ) ..

و صدقني ، مشاعر الغربة و الوحدة مع كل اللي حصل لك ..
مصيرهم بيروحوا إن شاء الله و مجرد ما ترجع لحضن الوطن و الوالدين ..

.
.

و كلنا متابعين معك ، بس ما نحب نقاطعك كل شوي ..
و بالتوفيق يارب في كل خطواتك الحالية و القادمة ..