والله ابي اصارحكم بشي ما اضفته للموضوع
وانا حاس انه ممكن يضيف شي للحل لاني انا من صنع المشكله بتهاوني من البداية

في العام الماضي قررت اني اطلقها قلت خلاص ابي ارتاح ابي اتركها عند اهلها وامشي

الحاصل انا سافرنا ورحنا عند اهلها وصلنا بعد المغرب نزلت وسلمت على اهلها
وطلعت قالت وين رايح قلت شغله وراجع
المهم على طول طلعت من المدينه اللي يسكنها اهلها ومن يوم طلعت قفلت الجوال
المهم بعد ساعه تقريبا جاتني حاله من الانهيار العاطفي وصرت ابكي وبحرقه
وقفت في محطة وصليت وجلست ادعي واستخير واصلي
طلعت من المحطه واصلت مشواري والجوال مقفل ولا قلت لها اي شي
المهم كل شوي اوقف مره اصلي مره ابكي على فراقها وقلت الله يصبرني
احسن ما يجي يوم تسوي في نفسها حاجه ولا انا اسوي لها شي
وصلت مدينه تبعد عنهم 300 كيلو بعد 7 ساعات في الطريق والمفروض اقطعها في ساعتين ونصف
المهم قررت انام في هالمدينه
جلست ولا جاني نوم وانا منهار ما ودي اتركها
المهم كل شوي امسك الجوال وارجعه على اذان الفجر ما قدرت فتحت الجوال
وعلى طول اتصال وارد المهم مرسله 22 رساله ومتصله يمكن 500 اتصال
رسايلها قطعت قلبي ورجعت اصيح
المهم والله وضعي كان مزري للغايه
رجعت طفيت الجوال وصليت ما قدرت تعبت
المهم قررت اني اوجها
رديت عليها وينك وش فيك عسى ماشر حبيبي خايفين عليك
قلت انا سافرت ليه قلت تعبت منك ومن مشاكلك وصياحك
انا ما اقدر اتحمل خلاص طفح الكيل وين تبينا نوصل
المهم ما صدقت تقول تعال انت وينك قلت والله انا سا فرت وماني راجع خلاااص
ابي ارتاح ما اقدر اتحمل اللي تسوينه فيني
قالت والله الحين ارمي نفسي من فوق السطح والله حرام تخليني انا احبك واموت فيك شلون قلبك يطاوعك
كلام وكلام وتصيح ابيك لا تخليني ما اقدر اعيش بدونك
كلام كثير وانا على جريف ابيها وابي ارجع بس ابيها تعقل وما تكرر جنونها
المهم قلت خلاص انا ابي انام واجي بكرى
قالت انا اجيك قلت ماتجين
المهم قالت والله اذا ما مشيت الحين لا اجيك لو بتكسي بالنقل اجيك اجيك
قلت يا مهبوله والله ابي اجي بس حنا الصبح وانا كل اليل والنهار وانا في هالخطوط ومرهق
قالت انا اجي قلت اهلك يذبحونك لا تجين والله لو جيتي ما استقبلك
المهم قالت انا اجيك لو طلقتني اجيك وش ما تسوي فيني ابيك
والله ما ادري وش اقول وش ابقي المهم انا كنت مرهق قالت خلاص اخوي يبي يجيبني اخوها عمره 17 سنه
قلت خلاص انا راجع ما صدقت قلت والله خلاص بطلع الحين
بس ذنبي برقبتك
قالت انا معاك على التلفون لين توصل
والله يا اخوان اتذكر مواقف اقول هذا حب ولا جنون ولا ايش بالضبط
طبعا انا ماني بعيد عنها والله عيوني متورمه من البكا بس ابي اصلحها ما ادري وشلون
المهم كتبت موضوع واضافه مهمه احس انها راح تفيد في علاج الحاله
رجعنا لبعض وجلسنا كم شهر بدون ما يحدث اي مشااكل واذا حصل مشاكل حلينها بسرعه
المهم بعد يمكن 5 شهور رجعنا على طير يلي
والصياح والنياح
والله انا اكتب الحين واتذكر اليوم هذاك لحضه لحضه
ويوم رجعت خمتني وحبتني تقول جاي من حرب بلهفه وغلى
وانا كذالك بس ماني زيهاا