اختي الكريمه بارك الله فيك لهتمامك في مشكلتي ومحاولة مساعدتي
الجدل فقط في وقت المشاكل واي جدل كانها تناقش في قضية كبرى او اعدام احد اقاربها تجادل بشكل ولا ينفع لا سكوت ولا خروج ولا تسكير تقعد تهذر تهذر وتصيح وتبكي بالسعات شي يهلك الروح والاعصاب مثل ما تفضلتي
وانا بديت اتعب وافقد اعصابي احس في الفتره الاخيره اني اخرج عن الوعي من كثر الضغط

والله العضيم تجاوزنا الست ساعات في مشكلتين
اما الساعتين والثلاث كثيرا ما وصلنا لهاا
شي غير طبيعي اقولك يغمى علي من كثر ما تستفزني وتقهرني
وتصيح احس الحارة احيانا كلهم سمعو صيحها
ما اقدر اتحمل
بس لما تروح جنيتها تصير انسانه غير
وانا احبها وارحمها
والله لو غيري ما تقعد دقيقه
انا احس احيانا معاملة اهلها الحسنه لي لانهم يعرفون البلا اللي في بنتهم ومغبين عني
والله احيانا من كثر ما تزن علي افكر اروح فندق وانام وارتاح وصلت لمرحلت اني اذا جاها بلاهاا افكر اهرب
لانها بعد ما تروح جنيتها ترجع انسانه غير
تخدمني ورمنسية وفيها الكثير من الصفات الجميله واللي احبها فيها
قلت اخاف فيها جنون ولا شي البلا اللي يجيها غير طبيعي
رحنا لشيخ قال ما فيها شي بس عين
صرت اشغل القران بالبيت على طول وصورت البقرة
ما تحس باي شي عادي
اذا جتها جنيتها يتقلب وجهها وتطلع عيونها والله شي غريب

والله يا اختي ما نفع ما تتعب تقعد تصيح وتضرب الباب جربتها ما نفع
ما تخليني ارتاح
ما ادري وش اسوي
انا ما ابي اخسرها
والله قاعد يراودني الشيطان هالصيفيه اوديها لبيت اهلاها واخليها واقطع كل اتصالاتي
بس مشكلتي انا ضعيف وارحمها واقول اذا وديتها اخاف تسوي بنفسها شي