( سامحوني تأخرت ) ..

شقردية ..

و الله جبتيها من جدددددد .. و يسلم بؤك .. ^_^
و من ناحية هيبة الإحترام و الخوف ..
فهو بالضبط اللي كنت بأوصله لزوجي ..
بإنه إيش الفايدة إذا خليته ( يخاف مني و من وراي يعمل أي شئ غلط و يتعلم يكذب علي ) ..؟؟؟

تدري إنه مشكلة ولدي كمان ، اختلاف البيئتين ..
يعني عاش في الخارج و تعود على أسلوبهم و هناك الصراحة ، ما يكذبوا و لا يشتموا و لا يضربوا ..
بس هنا العكس ، فتلاقيه بدأ يكتسب أشياء غلط من اللي حوله ..
و أنا بديت اتلخبط معاه ..

مثال :
في حضانته في الخارج ، اتعلم منهم كيف يقول ( شكرا ، لو سمحت ، اسف ... إلخ )
هنا اتعلم من المعلمة في الروضة ( إنها تصرخ عليهم ، و النظام نظام ، و المضاربة مع الأولاد )
و من أولاد أختي اتعلم الكذب لإنهم يخافوا من الضرب ..

و راح أدور في النت عن الدكتور اللي قلتي عنه ..

......................................

عزيزتي كولورز ..

أنا أكره مبدأ تربية الطفل ، إنه كل شئ ( غلط و عيب و لأ ) ..
لإني أحسه بيكبر و هو متعقد و من كثر ما اتلقى في طفولته إنه كل شئ ( عيب و غلط و لا ) ..
فما صار يعرف يفرق ؟؟؟ و صار يخاف بس من الإنتقاد ..

و الشئ هذا شفته في أختي الكبيرة ، لإنه أمي كانت كل شئ تقول لها ( عيب و لأ ) ..
فصارت أختي تربي أطفالها على العكس تماما .. و إنه كل شئ ( مسموح ) ..
و أختي مثل ما قلتي ، كلامها مع الناس تحسيها مهزوزة و ضعيفة شخصية و تكره أحد ينصحها ..

......................................

روح المساء ..

اتفق معاك ، و مثل ما قلت .. أختي الكبيرة أكبر مثال أمامي ..
حتى أمي مرات تقول ليه أختكم ما طلعت مثلكم ( أباضايات )
و أقوم أقولها ( مسكينة ، من كثر ما انضربت منك و خاصمتيها و هي صغيرة )

.......................................

أخوي غريب

كويس إني سمعت رأي ( رجل ) هنا ..
لإنه تربية البنات أحسها تختلف عن الأولاد ..

و أنا عندي ولد و ما أعرف إيش احساسه يوم أعاقبه ؟؟؟
لإنه أخواني الأولاد ، و الصراحة ما عمري أمي ضربتهم و لا عاقبتهم ..
و أنا ما أبغى ولدي يكبر و يتعبني بالعناد و يصير مدلل ..

..........................................

روح المساء ..

أحس ولدي كل شوي يقرب نفسه من أبوه و يحبب نفسه لأبوه ^_^
لإنه مرات يوم أبوه يخاصمه ..

أروح بعد شوي أكلم ولدي و أقول له ( روح بوووس بابا و أحضنه و قول له كذا و كذا ) ..
فيعمل مثل ما قلت له .. فيقوم زوجي يقول لي ( يا شيطانة ، بتعلميه الشيطنة )

حتى إنه ولدي دحين صاير يتعامل كذا مع الكل
و أمي تقول ( ولدك من جد ، مو هيييين ،، يعرف يضحك على مخ الواحد بكم كلمة و حركة حلوة )

.
.