بس تبغون الصدق والصراحة أنا أشوف إن التربية التي يتلقاها الرجل في أسرته ومجتمعه والعادات والتقاليد التي تشربها من نعومة أظافره هي السبب في جعل الرجل يعامل المرأة بهاذا الشكل فكل جيل يرث عادات وتقاليد الجيل إللي قبله
بسلبياتها و إيجابيتها ومن ثما يتم توطينها في الجيل اللي بعده بدون تفرقه بين الصح والخطأ من هاذي العادات والتقاليد طبعا هما الجيل الجديد يطلعون على ماوجدوا أبائهم عليه وينتهجون نهجهم بالرغم من التطور والتعليم والتوعية بالتربية السليمه إلى إنه مازال هناك بعض من الرواسب السيئة والتخلف في عقليات بعض الفئات من المجتمع فتجد هاذي الفئة تمارس الظلم والعنصرية بحق المرأة وحرمانها من حقوقها بشتى الوسائل وعندنا نموذج حي بشارعنا من هاذي الفئة ضرب زوجته وهي حامل بالثامن حتى ماتت بنتها في بطنها وفي رمضان المسجد يأذن المغرب والجيران يسمعن صراخها تصيح وهو يضرب فيها بالعقال لما تجينا زياره جسمها كله كدمات لونها أسود من ضربه وعنفه معاها زوجها عصبي مرة ولايحترم أحد وكل الناس بالشارع تكرهه الحرمة مسكينة ترو ح لأهلها قالوا لها إرجعي بيت زوجك وإلا والله لنفرشك بالبيت إلين تشبعين ونسحبك سحب بالسيارة لبيت زوجك حنا ماعندنا بنات يطلعون من بيت أزواجهم عندها 7 عيال هاذا مثال واحد بس وماخفي كان أعظم روحوا هيئة حقوق الإنسان وروحوا المحاكم وإسألوا عن إحصائيات المعنفات من النساء في مجتمعنا وشوفوا الأرقام كم تطلع هاذولا إللي تجرأو وهربوا من بيوتهم و راحوا أشتكوا أما الباقين الله أعلم بحالهم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله