المشاركة الأصلية كتبت بواسطة دااانيه

اهلين ملاك يونا ..
أول شي الله يكون في عونك ويجعل لك من كل هم فرجا ومن كل ضيق مخرجا ومن كل بلاء عافيه
ويحفظك ويحفظ ولدك ويحفظ اللي في بطنك إن شاءالله من كل شر ..
قلوبنا معك ولا نملك لك سوا الدعاء
ثاني شي .. أنا فاهمه إنك تبين تبلغين الهيئه عشان يكون معك دليل مادي على سوء أخلاق زوجك وبالتالي يكون سهل عليك ترفعين عليه قضية طلاق في المحكمة ويطلقك منه الشيخ ...
لكن أنا خايفه يدري إنك انتي ورى البلاغ وهالنوع ممكن ينتقم منك بعدين أو يأذيك الله يحفظك
فياليت تدرسين الموضوع زين قبل الاقدام على اي خطوه !
أما بخصوص انهم يفضحونه، الهيئه ما تفضح .. بس بيكون له ملف في وزارة الداخلية وبعدين يطلعونه
وانتي بتستفيدين من الواقعه عشان اجراءات طلاقك منه تتم بسهوله بدون خلع ...
أعرف وحده نفس حالتك زوجها جاب لها الأمراض وكل يوم يرجع آثار المكياج والقرف في ثيابه ورافض
يطلق وامتنعت عنه فتره عشان صحتها بعد ما استشارت شيخ ولجأت لربي بالدعاء وألحت فيه
وسبحان الله انمسك مع وحده وصار له ملف في الداخليه من سكات بدون فضيحه بس اخوانه وابوه
وخاله دروا واخوانها هي طبعا وبعدها طلقها من الخزي قدام أهلها وكلن راح لحاله !!
أنا أشوف والرأي الأخير لك طبعا .. انك تتوكلين على رب العالمين وتدعين إن ربي يخلصك منه على
خير ويكتب لك مافيه صالح لك وترتبين أمورك من ناحية وظيفه تنفعك عشان تكونين مستقله مستقبلا
وتزنين على اهلك في موضوع الطلاق يمكن الله يهديهم ويساعدونك ويتفاهمون معه يطلقك بالطيب
ويترك لك عيالك تربينهم ويعيش هو حياة الضلال اللي هو فيها ...
أما إن كنتي تبين دليل ملموس وهو إن الهيئه تمسكه يبي لك تنتبهين زي ما قلتلك
بحيث إنه مايعرف إنك انتي اللي ورا البلاغ وتراقبينه وتتأكدين انه بيروح لأحد من اللي يعرفهم وتتأكدين من العنوان وتبلغينهم .. بس أعتقد صعب عليك تعرفين كل تحركاته!!
وليش ما تجربين ترسلين له مسجات من رقم مجهول تذكرينه بعذاب رب العالمين
وتخوفينه من اللي قاعد يسويه بأسلوب يهزه شوي ! وتذكرينه إن عنده عيال !!
وإن الدنيا دواره والزاني يزنى به ولو بجداره .. وتذكرينه أن لذة ساعه تجيب له مرض
ممكن يفتك فيه وتروح صحته ويخسر دنيته وآخرته ....
يمكن ربي يفتح على بصيرته وقلبه ويهتدي !!! ما يندرى ؟ احتمال يكون لها وقع
في نفسه ولو بعد حين خاصة لو كانت مكتوبه باسلوب كويس ...
الله يكون في عونك وطمنينا عليك،،،،