انا من النوع الي اقرا المواضيع اكثر من اني اعلق على مشكله او استشاره


لكن بصراحه لما قريت الموضووع والردود حسيت حالي مقدر مااكتب

اول شي مافي بالدنيا مقياس للعفه او الطهاره الا مقياس واحد ح تعرفونه اخر كلامي


واقرب مثال : انا اعرف بنات هما بنات جيراننا ابوهم كان قمه بالتشدد والله العظيم انهم مايروحون السوق ولا عمرهم شافووه وحتى اغراضهم الخاصه ابوهم كان يشتريها لهم امكن تستغربون ان في ناس كذا في هذا القرن لكن والله هذي الحقيقه

كان ماعندهم لا تلفزيون ولا المجد ولا حتى القناه السعوديه الاولى

كان ماعندهم جوال ولا وسيله ترفيهه مايخرجهم ولا يطلعهم وان راحو يروحون الحرم او يزورون بيت واحد شيخ لان كان نفس وضعهم


والبنات كان كلامهم قمة في البذاءه .... وبعد كم سنه ابوهم جاب لهم كمبيوتر لكن من دون نت ....


كانو يحطون فيه افلام استغفر الله ياربي .... وكمان كانو يشتروون الافلام من ساحة الحرم وحده اجنبيه كانت تجيبو لهم ... وابوهم كان خبر خير مايدري عن شي والام طبعا كانت تعرف وساكته وكانت معاهم


وفوق هذا كانو يشلون حواجبهم يعني ( نمص )


انا عمري كان وقتها 13 او 12 سنه .. وكنت اكرهه اروح عندهم ... وكنت استنكر افعالهم وماحب اروح عندهم




لكن في المقابل : في بيتنا دش وانترنت مفتوح اربعه وعشرين ساعه وسواق تحت يدي و الحين عمري 22 سنه واروح واجي للجامعه معاه لكن ورب الكعبه كنت مستحيل اسوي شي حرام او شي يضرني او يضر في سمعة اهلي مو عشان انا خايفه منهم بس عشان لاني اخاف من( ربي ) .......



والله بنات جيراننا كانو يتفرجون ع افلام استغفرالله .... وانا الي كان عندنا دش من اول ماطلعت ع الدنيا
ماشوف افلام وسخه الحمدلله

انا ماقول ان بنات جيراننا كانو يكلمون شباب حرام والظلم حرام ماكانو يسوونها .....


لكن حبيت ابين شي واحد ان الواحد لو ماخاف على نفسه ولا راقب نفسه لا امه ولا ابوه ولا اخوه ولا اي احد بالدنيا يقدر يسير رقيب عليه ...... يعني بنات جيراننا رغم تشدد ابوهم كانو يجيبون كل شي يبغونه

وابوهم مايدري .........



ومثال ثاني كمان : وحده قريبتي اعرفها كانت تلبس العبايه ع الراس عشان تخاف من ابوها وعشان ابوها مايخاصمها ... وماكان عندهم دش ولا شي لكن مجرد مايغيب ابوها او تروح الجامعه تسوي الي تبغاه وابوها مايدري عنها .....


باختصار ...... مقياس العفه والطهاره ان الواحد يكون مقتنع جوات نفسو ان الشي الي يسويه حرام ويبتعد عنو لانه (حرام) اولا بعدين عشانه (عيب).....


البيئه صح تساعد على الاصلاح وعلى الخير لكن مو شرط ان الي ابوها مطوع تكون زيه والي ابوها داشر تكون زيه ...... انا اتعامل مع الاشخاص كفرد مو جماعه كل واحد يمثل نفسه


اهم حاجه ان الانسان يبتعد عن الحرام او العيب باقتناع من نفسسسسه لان ماحد يقدر يمنعه او اني اسير

خياله عشان اراقبو
لاني مجرد مايغيب الرقيب يسوي الي يبغاه .....


وانا اكتب الكلام هذا واحلف على كلامي مو لاني مجبره اني اكتب او احلف او ابرر لكن حبيت اوضح لكم



وعندي تعليق بسيط : ملف التعريف مايقطع الشك باليقين ان صاحب الايميل يكلم بنات او تكلم شباب

لان انا عندي عم اسمو بالايميل غير اسمو بالحقيقي والي يدخل وشوف اسمو ح يقول هذي تكلم شباب

وكمان اخويا اسمو بالايميل غير اسموو بالحقيقي يعني الايميل نهائيا ماهو مقياس او اني اختبر اخلاق الشخص من ملفه التعريف ......



بالنهايه اسفه على الاطاله ,,,,, شكرا