السسسلام عليكم ورحمه الله وبركاته

ببدا بالسالفه من اول شيء ..

عمري 24 تقريبا لي 5شهور مخطوبه ومن واحد يقرب لنا وعمره اتوقع 26

الولد كنت متردده فيه لانه يقرب لي وفيه مشاكل بين اقاربنا .. وماكنت متقبلته ..

بس قالوا لي احد تعرفينه احسن من برى والاقارب ماعليك منهم ..

وذا اللفتره شاء الله وملكنا بس من عقب الملكه احس ترددي زاد انا من البدايه مو متقبلته
وهو الله يهديه ماقال الا كلمتين ولبسني الشبكه وطلع على طول يقول انه يستحي مع ان اهلي كانوا متحمسين ومافيه احد غريب بس اهله واهلي ..


علمآ اني من انخطبت وانا اصلي الاستخاره لحد اللحين بس مافيه ذيك الراحه والاقتناع التام له .. مع انو محد سبه لي ابد وهذا اللي مخليني اكمل لحد اللحين ..

يقولون خلوق .. يصلي .. هادى .. بس يدخن واحسه شخصيته سلبيه شوي

احس اني تعبتتت مو قادرره ارد على مكالماته واتضايق ولا اتخيله زوجي .. مو لعيب فيه بس لتردد مني ..

اخاف اكمل معه واظلمه واظلم نفسي لاني ادري انو القبول والاقتناع من شروط الزواج الناجح
واخاف انسحب واتحسف على شغله الصلاه والاخلاق ..

مدري شعوري ذا طبيعي والا استخير ويكفي وان شاء الله ربي يعوضه احسن مني ويعوضني خير