قريت للرد رقم 40 ووقفت خفت اتأثر بكلام احد واردده ولا
ففكرتي تكونت من اول ماقريت موضوعك
انا حاسه انك تبي تتزوج بهالسرعه لانك تبي تنسى جرحك وتوقف تفكيرك بزواجك الاول
انه تبي تخرج من هالتشتيت اللي عايشه ..
انت انسان رسمت حياة حلوه وانصدمت بواقع ومو متقبل انه مر فيك هالشي فمفكر بزواجك من جديد بتنسى هالذكرى السيئه
لكن انا مو معااااك ابداً .. مستحيل ترتاح وانت متزوج ونفسيتك للحين تعبانه
لاتعالج خطأ بخطأ أكبر وقرارك فيه تعجل ..
انا فاهمه انه انت رجل وتحتاج لأمرأه و و و وانه كلام اللي قالو لك ليه مستعجل وكنت من قبل بغربه وعادي ونسو انه من سبق له الزواج يفرق عن اللي كان عزوبي
لكن مع هذا اشغل روحك كل ماجا ببالك اللي ناقصك في حياتك ..
الصبر مفتاح الفرج .. ربي بيرزقك من تعتبرك تاج راسها وانت تستاهلها وتعووووضك بإذن الله
صبرك على زوجتك وبرك بوالدينك وخوفك من الحرام كلها أموووور تبشر بخير لمستقبلك فلاتخرب كل شي بسبب استعجال او رغبات لاأكثر
خلك اقوى من ظروفك وبكل صلاة ادع ربي يصبرك ويعوضك
بالنسبه لنيتك بالطلاق فماحبيت افتي وبحثت لك وجبت هالحكم من موقع الشيخ بن باز رحمة الله عليه
اقتباس:
أنا موظف مغترب في المملكة في مدينة الرياض، وأنا سوري الجنسية، أرغب التزوج بطريقة زواج بنية الطلاق، فما حكم الإسلام في هذا، خاصة أنه عندما ينتهي عقد العمل في المملكة أريد أن أطلق وأسافر؟ أفيدوني أفادكم الله؟.
هذه المسألة فيها خلاف بين أهل العلم ، والأكثرون على جواز ذلك ؛ لأن النية داخلية ليس فيها مشارطة بينه وبين أهل الزوجة ولا بينه وبين الزوجة فليس هذا من باب المتعة ، بل هذا نكاح شرعي صحيح عند جمهور أهل العلم ، وكونه ينوي الطلاق في المستقبل عند سفره أو عند حاجة أخرى لا يضره ذلك هذا شيء مباح له ، الطلاق مباح له عند الحاجة إليه ، ولكن ليس بشرط أما إذا شُرط عليه ذلك أنه يطلق في وقت كذا بعد شهر بعد شهرين بعد سنة أو اتفق على ذلك هذه المتعة المحرمة لا يجوز ، لكن مادام هذا شيئاً في نفسه ليس بينه بينهم فيه شرط وإنما هو بينه وبين الله - عز وجل - فهذا لا يضر النكاح على الصحيح عن جمهور أهل العلم.
|
لكن مع هذا هل تضمن الزوجه مابتفكر بالحمل ؟ حتى لو اشترطت هالشي يمكن يكتب الله وتحمل فوش مصير هالطفل؟
ولاسمح الله صار وحملت وطلقتها ورمت الطفل عليك كنوع من الانتقام وش ردة فعل امك وابوك اللي انت بايع الدنيا عليهم يسوى عليك تخرب كل مابنيته هالـ 25 سنه ؟ اذا زوجتك وهي بنت الناس نستك وناسة عمرك فزعل اهلك عليهم وخيبة امالهم وش بتنسيك ؟ هالكلام كله للحين احتمالات بس احتمالات وارده فوش يحدك على عيشة وكلها خوف ياترى تحمل وتنكبني او لا ؟ توهقني ماتوهقني؟ تسعدني ماتسعدني ؟
الاولى جرحتك بأسلوبها الثانيه يمكن تجرحك بخيانتك والجرح اكبر واكبر
مابي اكون متشائمه بس السلبيات بالزواج من اجنبيه احس اكثر من الايجابيات وبينتهي زواجك يمكن واللي تبحث عنه من حنان ويد ناعمه وكلمه رقيقه مابتحس فيها فاصبر ولاحسيت نفسك ابد ابدددد نسيت كل مشاكل الزواج الاول ونفسيتك توب التوووب وص الوالده تدور لك وانه تشرح لهم ظروفك وتخبرهم ان اجازتك 3 شهور وبتجي تشوفها اول الاجازه ولاحصل نصيب ماترجع الا وهي معاك يعني تحطهم قدام الامر الواقع انك تبي الملكه والزواج نفس الاجازه بحكم ضيق وقتك
والامور سهاله بإذن الله
طولت الكلام بس لاني كتبت من قلبي وعديتك اخو وابيلك كل خير .. اسال الله ان يسعدك ويوفقك ويرزقك بنت الحلال اللي تصونك بحضورك وغيابك
احترامي
__________________
(وَقُل لّعِبَادِي يَقُولُواْ الّتِي هِيَ أَحْسَنُ إِنّ الشّيْطَانَ يَنزَغُ بَيْنَهُمْ إِنّ الشّيْطَانَ كَانَ لِلإِنْسَانِ عَدُوّاً مّبِيناً) الإسراء"53"
التعديل الأخير تم بواسطة دنيتي بنتي ; 07-06-2011 الساعة 08:22 AM