اخوي abo maryam
الله يجزيك كل الخير على كلامك الطيب . الأمتحان وايد صعب والحين باديه احس بتعب نفسي وحنين قوي على رغم من كل اللي صار وبدر منه. سامحوني بس احبه ومشتاقه اشوفه على الرغم من كل اللي صار. احاول اضغط على نفسي وما اسال بس والله حاسه روحي بتطلع
أختي برونزيه. الله كريم . انا تزوجته وأنا كنت واثقه من إخلاصه لي
اللؤلؤه المصونه. شكرا ع المشاركه

المهم انا محتاجه رايكم. أمس عمتي (ام زوجي) رسلت لي مسج تطمن عني وعن البنت وتقولي وينك ما مبينه!! انا ما رديت عليها..... قلت خليهم يعرفوا انه ان في شي غلط صاير بيني وبينه. بس ما اعرف اللي سويته صح والا غلط.
انا ما اريدهم يعرفوا بالموضوع عشان لو عرفوا شكله بيكون وااايد خايس قدامهم وبعدها ما راح يضل بيننا أي احترام لانه بيلومني انا علي هالشي اذا فرضنا انه بالاخير رجع لي.

هوه هالشهر أموره الماليه صعبه وكان عنده التزامات اعرفها ومتابعتها معاه. بس كان عنده مبلغ كاش خلاهم عندي. يوم طلع من البيت ما أخذهم. الحين كاسر خاطري اقول من وين بيصرف !! وين بيسكن!!! أفكر احط له فلوسه ف سيارته لان انا عندي نسخه من المفتاح.

يا ترى هل بيقدر لي هالشي والا بيحس انه ضعف مني وبيتمادى!!! عن نفسي اعرف انه ممكن يتأثر بس بيكابر لكن ف داخله بيكون تعبان


أنتظر ردكم