احب اشكر كل الاعضااء اللي ردووا علي والله يعطيكم الف الف عافيه .. خصوصا الاخت الغاليه ليه الغرور اللي دافعت عني جزاك الله الف خير ..
واعتذر لعدم ردي على مشاركاتكم بس كنت مطلعه عليها اول باول .. بس كنت حابه اقطع الشك باليقين قبل لا ارد ..
اللي سالوا عن جواله هو سوني اريكسون اكسبيريا .. وعلى كلامه انه تقريبا نفس برامج الايفون تتنزل عليه ..

طبعا حاابه اطلعكم على اخر التطورات ..
بصراحه انا استمعت لبعض الاراء السديده اللي ردوا علي فما تكلمت ولا بينت لزوجي اي شي بس كنت اشوف من بعيد
لكن كل يوم كنت اتاكد انه فيه شي .. قبل امس فتح ايميله قدامي وشفت فيه ايميل من موقع غريب مكتوب بالانجليزي
وماحاول يفتحه قدامي وانا سويت نفسي ما انتبهت له .. بس حفظت الاسم .. ويوم طلع زوجي كتبت اسم الموقع في قوقل
طلع لي انه موقع تعاارف .. ودخلت عليه الا زوجي مسجل فيه ومفتوحه صفحته وحاط رقم جواله وصوره رمزيه مخجله ويطلب يتعرف على البنات الموجودات ..
المهم سكرت الصفحه وبصراحه على قد الصدمه حسيت براحه لاني قطعت الشك باليقين لان دوامه الشك متعبه حييييييل .. وفكرت اني اصارحه بس زوجي من النوع اللي ينكر بقووووووه مستحيييل يعترف .. وانا ما احب احطه في موقف الاعتراف والمذنب..
قمت انتظرته وحسيته مروق وسوالف معاه ورحت وسويت لي وله مشرووب دافي وجيت جلست بجنبه وانا مبتسمه وحظنته ..
وقلت له : تدري حبيبي اني محظوظه فيك انك زوجي واحس اننا زوجين غيير عن كل الازواج يعني اقدر اقوولك كل اللي في خاطري من دون تردد حتى تدري اني صرت اعرف وشفيك من نظرة عيوونك ومن نبرة صووتك !! طبعا هو انبسط قال للدرجه هذي !! قلت : اكييد حبيبي حتى انا عندي شي صغنوون ابغى اقوله لك عشان تعرف قد ايش احس فيك !! هو هنا حسيته ارتبك شوي وماقام يطالع فيني قال قولي وش عندك , قلت : ما ادري حبيبي بس احسك بالك مشغوول يعني انت معي بس بالك مو معي صرت تحب تجلس لحالك حتى ما قمت ترسلي رسايل حلوه مثل قبل ولا تكلمني !! هوه حاول يدافع عن نفسه قال ليه ومن متى ؟ قلت : من يوم طلعت جوالك وانا احسك مشغوول فيه عني صاير اغلب الوقت في يدك ما عدت احس باهتمامك زي اول وقلت له كل اللي في بالي !! قال يعني انتي وش تتوقعي اني انا بسوي شي مو زين من وراك : قلت لا انا ما اشك فيك بس انا بصراحه اخاف من التقنيه هذي ما وراها الا المشاكل وانا من حقي اخاف على حياتنا لاني احبك ولا ابغى شي يغير علينا !! هو جلس يطمني انه مافيه شي واني اللي احس فيه مو موجوود بس حسيته توتر وجلس شوي وقام برى يدخن .. وانتهى المووضوع وانا راسمه على وجهي ابتسامه .. يوم قام يروح للدوام جا عندي وحضني وقالي كلام حلووو .. وانا ودعته .. وبعد ما طلع ارسلت له مسج على جواله هذا نصه ((( اللهم اني استودعتك زوجي وحبيبي وقرة عيني فاحفظه لي اللهم عظمه في قلبي واجعله ماء عيني ودم قلبي ودفء حياتي واجعلني له كذلك واسعده بي واسعدني به اللهم اره الحق حقا وارزقه اتباعه واره الباطل باطلا وارزقه اجتنابه .. ياااارب )))
وبس هذا اللي صار .. اتمنى يكون تصرفي صحيح .. واخواني الرجال اتمنى اعرف من وجهة نظركم وش يدوور في بال زوجي هل انحرج من تصرفه ومن تعاملي معاه "" زوجي من النوع الحساس "" ؟؟
وكيف اتصرف معاه الايام الجايه ؟؟ ما استغني عن وقفتكم معي