ماشاء الله تبارك الله عندك طفلين الله يحفظهم ويخليهم لك يارب ويرزقك برهم وصلاحهم إن شاء الله تعالى بالنسبه لطفلك ترى أنا عيالي كلهم من صغرهم هما يتركون الرضاعه بأنفسهم أ كثر واحد فيهم رضع ثلاثة أشهر وبعدها لو إيش أحاول ماحاولت يرفض
يرضع طبيعي واللبن عندي عقب شهرين تبتدي تضعف كميته عندي وما خليت شئ إلا سويته أ كلت خضار وفواكه و تمر وحلبه قالوا الحلبه تكثر اللبن والله إني غرفت منها إلين قلت بس إنتفخت أنا واللبن ما زاد بالعكس إلا كان كل ماجاء له ينقص حتى يختفي نهائيا ورجعت للحليب الصناعي حتى الطفل يكمل 4 أشهر وأبتدي أسلق له كوسه وجزر وطماطم وبطاط وزهره
وفاصوليا وباذنجان وباميا أجمعها كلها وأغسلها وأقطعها وأسلقها في موية لحالها وسلقها يكون خفيف علشان ماتفقد فوائدها و بعدين أخلطها بالخلاط وأحطها في حافظه وأخليها بالثلاجه ومع كل وجبة أ كل أطبخها من رز ودجاج أو لحم أو سمك آخذ ثلاث ملاعق رز مطبو خ من أ كلنا حنا وآخذ قطعة دجاج أو لحم أو سمك مطبو خ بس أختار من النو ع اللين مثلا الدجاجه أخذ من فخذها لأن لحمها طري السمك آخذ من نص القطعه واللحم أختار النو ع اللين وأجمعها بالخلاط قطعة اللحم وملاعق الأرز وأحط عليها أربع أو خمس ملاعق من الخضار المعد سابقا في الثلاجه وشوية ملح مع ربع كوب ماء دافئ وأخلطه بالخلاط حتى يصير لين مثل الزبادي وبعدين أعطيه بالملعقه
ياكل طبعا الخضار إللي تسوينه سابقا وتحطينه بالثلاجه حاولي تكون الكمية تكفيك لمدة ثلاثة أيام وبعد ها جهزي له جديد طبعا بإمكانك أن تستبدلي بين وقت وآخر مجموعة الخضار بالملوخيا بإمكانك تطبخي ملوخيا لحالها وتحطين بينها من الغداء حقكم اللي طبختيه وتخلطينه بالخلاط وتعطينه إياه ترى أنا كذا أسوي مع أطفالي دائما وصحتهم تمام ووزنهم طيب أنت جربي هالوجبه وشوفي إن شاء الله إنها تعجب طفلك وبالصحه والعافيه عليه
يارب وبوسي لي إياه بوسه كبيره كبرك هههههههههههههه
الله يحفظه ويخليه لك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله