السلام عليكم ورحمة الله وبركاته
الحمدلله امس وافق ان ابقى معه طوال الايام المتبقيه له في المستشفى
لانه راح يطلع البيت يوم الاحد ان شاء الله
طبعا هو ماوافق الا بطلوع الروح والمناقشه واستخدمت سلاح كنت عارفه انه راح ينجح
قلت انت شكلك حاط عينك على طبيبه او ممرضه علشان كذا بجلس على قلبك
هو ضحك واول مره اشوفه يضحك بهالطريقه وقال لا والله
وقال لا تنسين اختي معي وهي شديده قلت لكن احساسها مو مثل احساسي
انا زوجه عندي رادار استشعار عن بعد اختك ماعندها
انا حسيت انه مو كارهني بقدر انه مايبي يظهر ضعفه امامي
لان اخته تقول هو بالليل يبكي من الم رجله ويصيح ويعطونه ابر الين ينام
ولمن تجين انتي احسه يمسك نفسه ويكتم المه
المهم نمت معه امس وقطع قلبي بالليل لا مسك نفسه ولا قدر اساسا
جلس يبيكي بكاء الطفل وبكاني معه والله ماقدرت امسك نفسي
الين اعطوه مخدر ونام وحسيت بتأنيب ضمير قوي
لكن الحمدلله اليوم احسن كثير نفسيا وجسديا وجات طبيبة العلاج الطبيعي
وبدأت معه اول جلسه والحمدلله كانت مطمئنه ومبشره بخير
وطلب مني عمل فتوتشيني لانه يحبه علشان كذا رجعت البيت
وجالسه اكتب لكم والمكرونه عالنار
وضعه الان جيد لكن ماعرف بعدين كيف بيتحمل؟
لانه مركب جهاز برجله بيجلس فيه عدة اشهر الين تطول عظام الساق
وممنوع من ممارسة000000 انتوا فاهمين
وهو رافض هذا الشي قلت والله وش نسوي ؟ هذا كلام الطبيب وكلها ايام وترجع احسن من اول
لكن حسيته مو مقتنع ومتضايق وانا اخاف من تهوره والله يستر
وممنوع من المشي طبعا الا بعكازين الين يفك الجهاز واللي صدمني ان فكة الجهاز
بتكون تحت تخدير كامل ويجلس يوم بالمستشفى
قال الطبيب لازم لان العمليه مش سهله وراح تمتص طاقتك بالبيت فلازم تكوني مستعده لها
لانك اكثر شخص راح يكون معاه
شكرا لكم كلكم والله واحد واحد اخجلتوني بنصايحكم وتوجيهاتكم
اللي راح تكون هي زادي بالمستقبل وانا فتحت قلبي لكم اكثر من اي شخص اعرفه
لانكم ماتعرفوني ولا اعرفكم لان هذي الامور من الصعب مناقشتها مع الاقارب او الاصدقاء
انا ماحب امور بيتي تطلع للناس وهذا طبع فيني حتى اخته ما اعلمها بأمور كثير
برغم اني احبها لكن انا كذا طبعي اللي بينا ابيه ييكون بينا
بالنسبه لسؤالك ياعزيزتي سيدة الموقف
نعم هو عرف ان الطبيب قال هذا الكلام وحاولت فيه ان يسمحلي ان ابقى ورفض
وزوجي رفض ايضا وقال الطبيب نصف ساعه وراح ينام للصباح فالأفضل تتركيه يرتاح
شكرا لك ولبيتا وابو حكيم والماضي الدفين وللحياة الوان ولا تظلمونه وسحابة الصحراء
اترككم الان وشكل اكلي انحرق0000