اتااابع مستشارنا الفاضل :

كان يوم الجمعة الغداء عند اهلي كالعادة ، وفجر ما تحضر دائماً خاصة اذا كان فيه أشخاص جدد بيحضرون ..

" للمعلومية امها احيانا تغصبها علي الحضور معي " ...

فقالت فجر : أنا مو جايه معك ودني أمي ، و صلتها امها تقريبا 11 الصبح والساعة 12 ونص دقت علي وقالت :

تعال ابغي اروح معك لاهلك فقلت لها : انتي مو قلتي ما تبغي تروحي إش اللي غير رايك؟؟؟

قالت : أمي تقول لازم اروح ، تعال و ريحنا ..!

فقلت لها وإنتي إش تقولي ؟ قالت تعال بروح معك .. قلت لها انتي مو تعبانه ارتاحي خلاص ..

قالت احمد لا تتفلسف علي فاهمة قصدك تري مو وقته الحين ، تعال والي يسلمك ..

( صراحة ترددت اروح وأخذها معي او لا ..؟!!)

فقلت خلاص مو جاي و هذا رايك وانا اسمع رايك مو راي امك ...

---- اتصلت علي امها وقالت : تعال خذ حرمتك !

قلت لها حرمتي ما تبغي تروح خليها علي راحتها ، قامت قالت لي : هذي جاهلة ما تعرف تتصرف لا تاخذ علي كلامها

رديت : بنتك كبيره وعاقلة وتعرف وش تبغي اتركيها بس ..!

( و بعد الصلاة دقت فجر تقول: احمد ما تبغي تاخذني معك لاهلك تعال وصلني البيت وروح .. واذا ما جيت

أمي بتخلي اخوي ويصلني ..! " قلت خلني اروح اشوف وش عندهم " رحت لهم، وقابلتني فجر عند الباب وقالت

والي يسلمك خذني معك وريحني ..!

قلتها يا حياتي اجلسي هنا بدل ما تروحي البيت وتجلسي لحالك والعصر امر واخذك ..!

قالت أمي ما تبغاني عندها زعلت لأني ما رحت معك وقالت روحي لبيتك ..

قلت وينها امك ، أنا ا تفاهم معها ..

( وانا داخل مسكت فيني فجر وتترجاني ما ادخل ولا اقول لامها شي )

أخذتها بيدها وقلت تعالي معي . دخلت لامها وهي بقت واقفة عند الباب ..!

وقلت لامها وش الي صار يا عمه ؟ فجر ما تبغي تروح ، ليه تغصبينها ، قالت : لانها

لازم تروح قلت لها يا عمه لا مو لازم تروح وهي تعبانه ولا كان راحت ومو من حق احد يغصبها ..! ردت علي امها :

هي مو تعبانه هي ما تبغي تقابل الناس وبتخبي نفسها عندي انت ما تعرفها بنتي وانا ادري فيها ..!

قلت هذاك اول يا عمه بنتك الحين كبرت وصارت زوجة و مسوله عن بيت وزوج وتعرف تدبر أمورها بنفسها .

انتي بس خليها علي راحتها !! طالعت بفجر ( فجر و اقفة عند الباب وعينها بالأرض ) قالت لها امها :

روحي لبيتك واعزلي نفسك هناك مو عندي ، و خلي زوجك يشوف كيف تدبرين امورك ..! رديت : وانا واثق فيها

وهي قدها ..! صح يا فجر " ما ردت " قالت لها امها ردي ليه ساكته ..؟

لكنا تفاجئنا بطيحتها بشبه اغماءه ، " للمعلومية فجر عندها سكر " أسرعت لها امها تشربها عصير

و شوي و استعادت توازنها و جابت امها لها اكل واكلتها شوي ورفضت تكمل بعدين غطتها امها وجلست جنبها

تمسح علي شعرها ( فنااامت فجر مباااشرة ، والله أني مو قادر استوعب الي شفت ..

امها كانت بمنتهي القسوة عليها ، وبعد شوي صارت بمنتهي الحنيه !!! فجر الي تخاف من امها ، نامت لما جلست

جنبها .!!! وبسرعة .. حسيتها مجهدة جدا جدا )


جلست بعدها مع امها وقلت لها ان فجر خلاص عدت مرحلة التربية وأنها ربتها وأحسنت تربيتها والكل يشهد

علي كذا أنا وأهلي وكل الي يعرف فجر .. و انها الحين تعطي الفرصة لفجر و تشوف نتايج تربيتها بنفسها ..

قالت لي فحر أكيد تشكي لك مني ، فجر مو زي خواتها من وهي صغيرة متعبتني وانت الحين شفت بنفسك ..!

وش صار فيها ما تتحمل شي وانا أخاف عليها ،.!

----- و بعد ساعة تقريبا صحت فجر و راحت لها امها ولحقتهم و شفتها حاضنة امها وتبكي ..!

جلست جنبها و حاولت*أكلمها وأخذها جهتي لكنها را فضة ..!

قامت امها وطلعت و حضنتها وجلست أكلمها وأقولها خلاص يا فجر ما صار شي امك خائفة عليك ، و انت

حرة نفسك سوي الي تبغي ما حد له حق يمنعك ويفرض عليك شي ..!

قالت خلنا نروح البيت ورحنا ... و لها يومين مكتئبة جدا ، طلعتها تغير جو و بر ضوا مو متقبله شي ..!

حتي امها دقت عليها وتقفل الجوال و ما ترد " الظاهر انها زعلانة منها "


--------

و ش قولك مستشارنا الفاضل ؟!!!

ا دري أني طولتها بس استحملنا بارك الله فيك ..