عزيزتي اولا اعانك الله واراح قلبك ،،،
انا معك ان الشك قاااااتل وقاسي جدا على الانسان ومن الصعب جدا احتماله والعيش بالشك الدائم،،
عزيزتي لا تحاولي تفسري كل تصرف بسوء نية وبشك!!!
يعني لما سمعتي زوجك بكلم احد بصوت واطي كان فيكي ترني على جارتك وتشوفي مشغول او لا..
وبالنسبة لعصبية زوجك وتصرفه معك لما جلس بالبيت،، وحيرتك انه جلس عشانك والا عشانها!!!
عصبية زوجك لواحد بشخصيته (فهم طلبك تحكم!!) طبيعية جدا،،، لكن تصرفك معه حلو،، استمري..
وبالنسبة لجارتك صراحة انا لا اؤيد قطع علاقتك فيها نهائيا طالما الشك قائم!!!
برأيي ان وجود العلاقة بينك وبينها يبقي شئ من الخوف بقلب زوجك من انها تزلق وتحكيلك او اي احتمال آخر
(طبعا هذا في حال افترضنا اسوأ الاحتمالات ان يكونا على علاقة لاسمح الله!!!)
كمان بيكون بامكانك تعرفي منها اكتر، متلا بامكانك تعرفي رقم تلفونها التاني، وبتعرفي اساليبها وحيلها وكيف
بتلف وبتدور على العالم وبهيك ممكن تعرفي تصديها او تحمي نفسك وزوجك منها!!!
بس بهالحالة انت لازم تتعاملي معها بدهاء وذكاء اكتر منها ولازم ماتبيني لها استنكارك لتصرفاتها وانها غلط
وانك قرفانه منها ومن تصرفاتها،،، بالعكس جاريها وسمعيها يلي بتحب تسمعه لتاخدي منها يلي بدك ياه..
بس لازم تعرفي تلعبيها صح عشان لا تنضري انت!!!!!!!!!!!!!!
وزوجك ابدا لا تجيبيله سيره هي المرأه بالمرة، وان سألك اقلبي الموضوع لمزح وقوليله شوبدك فيها، هي وحدة فاضية!
يعني اختصري ردك بكلمة او 2 متل ما قالت الاخت سيدة الموقف، ولما هي تسألك عن زوجك، ردي بنفس الرد السابق
او قوليلها سيبينا من سيرته هلا، انت قوليلي اخبارك ووووو واسحبي منها الكلام وحاولي تستدرجيها، اسأليها مباشرة
ليش هالاهتمام بزوجك وليش بتضل تسأل عنه!!! احكيلها ليكون بتعرفي عنه شي وما حكيتيلي؟؟ وراقبي ردة فعلها..