شكرا اخواني واخواتي للردوا اجمعين في مشكلتي

حبيت اخبركم بالتطورات.. الي صارت

امس طلع زوجي ورجع وانا تجهزت ولبست وعدلت نفسي ونظفت البيت ولما طق الباب فتحته وكان يطالعني وعيونه بعيوني نوع الي يقول سامحيني بس زوجي ترى صعب ينطق هالكلمة آسف او سامحيني عبر عنها بطريقة ثانية يعني ظل طول اليوم يشيل عني الاغراض يدلعني او يجيب هدايا قليل اذا كان برة يطرش مسج آسف او سامحيني

المهم دخل البيت جاب لي غدا ومسح على راسي وعطاني بوسة بعدها جهز هو بنفسه الغداء قال لي انا بجهز كل شيء وكل شوي يظل يحظني بصراحة لما شفته بهالحال ما جتني الجرأة اقول ليه ولا شيء ولا افتح الموضوع معاه... وقلت بخاطري ما ابي اسأله ليش وكيف

قال لي شلون قعد في السجن وشنو سوا وخبرني انه ختم القرآن اربع مرات وبعد الغداء ظل يمسح في راسي ويبوسني ويحظني حسيت في خاطري كأنه يبي يقول ما ابي اضيعك من يدي مرة ثانية.. بعدها قال لي خلنا نطلع نغير جو وطلعنا تمشينا بس حسيته ما يبيني افتح ولا موضوع ولا اسأل كأنه يقول خلااص انسي الموضوع وقال لي كلمتين نبي نعيش سعيدين ومرتاحين

بالليل ما نام ظل طول الليل يمسح على راسي ويلحفني احس في حركاته يقول سامحيني ....

الي خلاني اسكت زيادة انه مسك القرآن وظل يقرأ فيه وخبرني اني اوقظه لصلاة الصبح في وقتها عشان يصلي ويقرأ قرآن ويدعي...

ها شو رايكم هل افتح موضوع هل البنت او خلاص اعتبر الي صار صار انا حاسة انه نادم من ملازمته على قراءة القرآن لأن كان يقراه بس ما كان منتظم وايد

عطوني ارائكم انا في قرارة نفسي اقول ما افتح موضوع هالبنت ولا سالفتها خصوصا انه كان متهاوش معاها وحصل ليه قضية بسببتها واخذ عقابه بس افكر في كلام اهل زوجي امه وابوه وزوجة اخوه وخواته اني لازم اعرف شنو الغلط وليش ؟؟؟ مع اني حاسة ان الغلط اني اهملته اشوي

قولوا لي رايكم واكون شاكرة لكم