يا أختي هداك الله إذا كان هاذا أول إتصال لها ولاتكلمت عليك ولا غلطت بحقك ولا بحق طليقها وكل هاذي النرفزه بس علشان إتصلت على جوال طليقها وتبغين تعاقبينها يقطع عنها المصرو ف هي وعيالها بسبب هالمكالمه وش يدريك إنها ما بغت طليقها في موضوع خاص بعياله خصوصا إنهم كبار يمكن أحد ضارب له أحد أو مسوي مشكلة في البيت أو برى البيت أو إحتاجوا منه أوراق رسميه مايخلصها لهم إلا أبوهم يا أختي ترى ربي بيحاسبك في كلامك عليها من خلفها علشان إتصال واحد بس قلبتي الدنيا وطلعتيها إنها داهيه وتبغى تخرب عليك بيتك عاد كيف لو رجعها زوجك لعصمته وش بتسوين إذا كان بمجرد إتصال تبغين تقطعين مصروف عياله لمدة شهرين وكأنهم موظفين عنده وليسوا بأولاده هاذا ظلم و حرام ومايجوز وأنتي إمرأة تشهدي بأن لا إله إلا الله وأن محمد رسول الله أنتي إنسانه مسلمه فخافي الله في ماتقولينه إذا ظلم عياله بسببك ترى رب العالمين بينصفهم منك وبياخذ حقهم منك أنتي لاتقولي حارمني حقوقي أنتي إللي حرمتي نفسك من حقوقك بتساهلك معاه ومسامحتك له من البداية وإلا إذا بغيتي كان من الأول قلتي له تعال يا إبن الناس إللي أوله شرط آخره سلام أنا أبغى منك كذا وكذا وتسجلين شروطك بعقد النكاح فيه صفحه ياكبرها لشروط كان حافظتي على حقوقك من البداية مو تتساهلين معاه بالأول على بالك إنك بعد الزواج راح تقدري تخلينه يعطيك حقوقك وزياده وفي الأخير ما عاد تشوفي منه لاحق ولا باطل والحين ماعاد قدامك إلا إنك تطالبي بحقوقك بطريقه حلوه وغير منفره ولا تقارني نفسك بأولاده أبد لأنك راح تتعبي من هالمقارنات وشيلي
طاري أولاده من حياتك نهائيا ولاتجيبين ذكرهم عنده أبد لابخير ولا شر لاتدخلين بعلاقته مع عياله أبد وش عليك فيهم أنتي طالبي بالشئ إللي يخصك وبس الباقي ماعليك فيه إنتي رضيتي في زوجك بهاذا الشكل فإصبري عليه وبعدين أنا أشوف إن زوجك رجل طيب وأخلاقه زينه سوى من ناحيتك أو ناحية أبنائه وللأسف إنتي إذا إستمريتي تسيرين على هاذا النهج بدون ماتصلحي أخطائك رايحه تخسرينه بكل تأكيد وحينها لاينفع البكاء على اللبن
المسكوب إنتبهي لعش حياتك الزوجيه و أسأل الله بأن يريك الحق حقا ويرزقك إتباعه والباطل باطلا ويرزقك إجتنابه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله