السلام عليكم ورحمة الله
كنت جاية اقلك كلاااااااااااااااااااام كتير
بس لما لقيتك اتكلمت مع الراجل انه يتوسط لك مع اهل البنت
ما بقاش عندي حاجة اقلها غير ربنا يتمم لك بخير
بس بجد يا اخي انا حاسة انه عندك مشكلة ومشكلة كبيرة اوي
وبصراحة انت بتفكرني بنفسي عشان كدة حاسة بيك وبكل كلمة بتقولها
انا زيك تمام من كتر الناس الوحشة اللي مرو عليا بحياتي بقيت بشوف كل الناس من منظور واحد
واتوقع منهم المصايب فقط واتوقع انهم ماشيين معايا عشان حاجة معينة وافضل افكر يا ترى الشخص ده عايز مني ايه ؟؟؟ اكيد عايز حاجة ايه هي ؟؟ مع انه مش باله حاجة وما اصدق الاقي عليه اثبات
عشان اقول ايوووووووووووووووووووووة اهو توقعي طلع صح وطلع فعلا كذاب زيهم (وممكن اكون ظالماه)
حتى مع خطيبي الله يعينو المسكين كنت بتعامل معه كدة وكنت بصلي الاستخارة كل يووووم واصليها وانا ببكي على ربنا يارب لو هيدمرني انا مش ناقصة احسن يروح من دلوقت ويا رب لو كان فيه خير تتمم وتيسر زواجي منه
وكنت كل اما اقرا مشكلة في منتدى اقووول اكيد هو هيعمل معايا كدة وازعل واتضايق (لاني بتوقع كل حاجة وحشة منه )
ولما يتصل يلاقيني مش طايقة روحي ويفضل يسأل مالك وفيكي ايه وانا مش طايقاه وكل تفكيري في المشكلة واحمله ذنب ملوش دخل فيه .. حاجة انا قريتها في النت او في جريدة مال حياتي بيها مش لازم يصير لي كدة؟؟؟
كل ده من الشك وفقدان الثقة في الناس وتوقع الاسوء وسوء الظن وده محتاج علاج
طول ما انت تفكيرك كدة صعب ترتاح
انت دلوقت راجع للبنت وانت مش متأكد انه ده اللي انت عايزه صح؟؟؟؟؟
وهترجع لها ولو مجرد شفت منها نص كلمة وحشة هتقوووووووول يا ريتني ما رجعت لها
وهترجع تدور على حلول وهكدا الى ما لا نهاية
انا عالجت نفسي بالقرب من الله والدعاء والتيقن انه الشيء هذا اذا كان ليا فيه خير ربنا هيكتبو من نصيبي
اذا ما فيه خير ربنا هيبعده عن طريقي واي مشكلة اقراها اقول الله يعين صاحب المشكلة والحمد لله الذي عفاني مما ابتلي به غيري ...
لازم تتعلم الثقة بالله وحاول تسمع محاضرات لحسين يعقوب او محمد حسان عن الثقة بالله
واتمنى فعلا انه يكون قرارك سليم المرة دي
يااااااااااارب يسعدك ويفرج همك ويكتب لك الخير وين ما كان