هلا وحياك يالغاليه وماتفقدي غالي حتى أنتم وحشتوني يالغلا وأشتقت لكم وأنا معكم وقريبه منكم بس عندي شوية ظروف تعرفي الأجواء وتقلباتها والعيال طايحين واحد ورى الثاني سخونه وإلتهابات وزكام وإنشغلت شوي بعيالي والحمدالله اليوم صاروا أحسن من قبل وبالنسبه لتعقيبك عليه أنا قصدي أوضح لها مقصد الأعضاء إللي نصحوها وأوضح سبب إعتراضهم على طريقة طرحهالموضوعها وطريقة وجهة نظرهم لأسلوبها وفي النهاية هم قصدهم نصحها وليس توبيخها فجزاهم الله خير ماقصروا و بالنسبه لي أنا أشوفها إنها حكت قصتها لتوضح فيها أسباب معاناتها لا أ كثر ولا أقل وشوفي مشاركتي وراجعيها زين وأنا بالنسبه لي أشوف إن كثير من المنتديات فيها قصص أشد جرأة من هاذي القصص والشباب والشابات السيئين إذا بغوا شئ بيلاقونه في منتديات ومواقع أخرى والإنسان يحكمه دينه و أخلاقه وتربيته وفي هاذا الزمن ماعاد فيه شئ يخفى عن الشباب والمراهقين فكل شئ بضغطة زر متواجد عندهم والأخوات والإخوان الأعضاء كل واحد له وجهة نظر ورأي خاص فيه والإختلاف في وجهات النظر لايفسد للود قضيه
وبالنسبه للجد والجده والقرية بصراحه أنا عشت في القرية وكانت عندنا الكهرباء وقت المطر وسؤ الأحوال الجويه كانت تنطفي علينا و إذا كان البدر مكتمل يافرحتنا عندنا يصير عيد نجلس نلعب وتشوفي الدنيا منوره وكان جيرانا بعيدين عنا بشوي بس كنا نسمع سوالفهم ويسمعوا سوالفنا كان الصوت ينسمع بوضو ح مع الهدوء ونسمات الهواء البارد في اليل العليل لها طعم خاص وماتنسى حتى الوادي لما ينزل السيل نسمع خرير الماء من البيت وقت الأمطار يازين الريف والقريه والوديان توسع الصدر وتونسك بس ماعندنا لاجد ولاجده كلهم ربنا تغمدهم بواسع رحمته من وحنا صغار
ومعليش إسترسلت في الرد لأن من ساعة ماقرأت موضوع الأخت غزلان وأنا أتذكر كيف كانت حياتنا بالقريه وقام يجذبني الشوق والحنين لقريتنا وديرتنا
وأنتي يا ليه الغرور بتعقيبك على مشاركتي السابقه خليتني أسترسل في الحديث عنها الله يجزاك خير وتسلمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله